اخبار الزمالكميديا الزمالك

ميدو يعود من جديد في “أوضة اللبس”.. ويطلق تصريحات نارية على رحيل فرجاني ساسي عن الزمالك – فيديو

علق أحمد حسام ميدو نجم الزمالك السابق على أزمة رحيل فرجاني ساسي عن نادي الزمالك، مشيرًا إلي أن هناك حالة من تضخيم الأمور لدى بعض الجماهير على مواقع التواصل الاجتماعي.

وقال ” ميدو” :” في ناس خايفه تتكلم بسبب اللجان الإلكترونية اللي بتمارس ضدهم، ايه القصه اللي معمولة على فرجاني ساسي ده”.

وأكد ” ميدو” :” فرجاني ساسي لاعب كبير وآخر لاعب كان نفس الاستايل بتاعه هو رضا عبد العال، ومن الوقت ده لغاية توقيع الزمالك مع فرجاني ساسي مجاش لاعب زى فرجاني، وصعب جدًا الزمالك يعوض فرجاني ساسي”.

وأضاف ” ميدو” خلال تقديمه حلقة جديدة من برنامج ” أوضة اللبس” على قناة ” النهار” في موسمه الجديد :” انا اكتر واحد نفسى فرجاني يكمل مع الزمالك، لكن انا راجل واقعى”.

وتابع :” النهاردة شئنا أم أبينا فرجاني ساسي مشى من الزمالك، ايه بقى القصة اللى معمولة على قصة رحيل ساسي وكأن الزمالك هيقف وكان الزمالك ده مركز شباب او كشك سجاير، ومن امتى الزمالك وقف على لاعيب”.

وأكد ” ميدو” :” فيه ضغوط بتمارس عشان تفشل الناس اللى موجودة في الزمالك وأن اى مشكلة صغيرة يتم تضخيمها علشان الناس تقع تحت الضغوط، واللى بيحارب الزمالك هما الناس اللى جوه الزمالك”.

وواصل :” ميدو اللي عايز يصدر لكم كلام ان ساسي ياخد ٥٠ مليون وطارق حامد لما يجدد مثلا بـ ١٥ مليون عادي، يبقى مبيفهمش حاجة في الكورة اسمعوا مني”.

واستكمل ” ميدو” :” المشاكل جوة الزمالك كثيرة والتركة ثقيلة وحسين لبيب عارف انها تركة ثقيلة، ولازم الناس كلها تساند وتدعم الناس الموجودة”.

شاهد:

 

تعليقات زوار الموقع

اخبار ذات صلة