حرص حازم امام ظهير ايمن الزمالك علي توجيه رسائل لكارتيرون ومدربيه السابقين بالزمالك وجاءت كالتالي :
طارق يحيى
دربني قبل ما اتصعد ومدرب جيد
حسام البدري
ربنا يوفقه عنده مهمة صعبه مع المنتخب
حسام حسن ، العميد الاسطورة كنت اول مره اشوف الروح القتاليه واللي بشوفه في الملعب شوفت ده لما دربنا ولاعب كره مش عادي عنده فنيات عاليه جه اخدنا من المركز ال7 او8 ووصلنا للتاني في موسم اتظلمنا في ماتش المقاصة ، بتمنى له التوفيق ويرجع يدرب الزمالك تاني وادرب معه
ايهاب جلال ، مدرب مصري غير فكري عن المدربين المصريين وهو لما جه الزمالك فى نص موسم ولو عاوز يدربك لازم من اول الموسم علشان تعرف طريقته هو مدرب كرة ومعندوش سبات في الخطه دايما بينوع وهو بيبدا الكرة من تحت من حارس نرمى لو نفذت طريقة لعبة الماتش هيكون سهل
مدير فني كبير اوي واتظلم مع الزمالك والمقاصه كانت معه مختلفه ولازم تشوفه في التمرين ، والمحاضرات وبيسافر ياخد دورات
مؤمن سليمان، من الناس بتحب شغلها جه حب يغير طريقة اللعب ومدرب فكره عصري
كابتن حسن شحاته اخدني المنتخب2009 وكنت اصغر لاعب معهم وقبل بطولة افريقيا2010 خرجني وكان لي الشرف التواجد معهم وكل اللعيبة قبل اعلان القايمة بيعطيها مكافآت وكان مفاجأة انه يضم جدو علي حساب ميدو
مستر جروس العراف وبيتوقع ايه هيحصل وقال لعماد متلعبش هتتعور
ماتش النجم الساحلي الجهاز قعدوا يضغطوا عليه يغير وغيره وبعده بدقيقه جنش انطرد بص ع الدكه مكنش حد قاعد وكان بيتوقع حاجات كتير ونجح معنا واخدنا معه بطولات الكونفيدراليه والسوبر المصري السعودي
اصعب ماتش شوفته ف حياتي ماتش الهلال في السوبر المصري وكنت مصاب وهم فرقه غير طبيعية واهم حاجه تخطف المكسب
باتشيكو تعاملت معه فترتين وهو نفس الشخصية والطريقه الدفاع عنده في كل مراكز ولازم كل اللعيبة بتدافع وخلى بن شرقي يدافع
كارتيرون التعلب بيعرف يكسب الناس، كها ادارة لعيبة وجمهور اتمنى نكسب البطولتين الدوري والكاس ويستمر معنا
