حرص حسين لبيب رئيس الزمالك علي توجيه الاشادة لمرتضي منصور رئيس الزمالك السابق ، مؤكدا انه فخور بما قدمه وكذلك باقي الرؤساء
حيث قال : لابد ان كلنا فاهمين اي واحد عمل حاجه للزمالك فخورين به المستشار مرتضى منصور عمل حاجات كتير والاستاذ ممدوح عباس وكمال دوريش وكل واحد كان فى الزمالك
واتم : انا بذكر كل الاسماء لان معنديش خلافات ولو شايف ان حد بيقدر يساعد بتصل عليه وقول ساعد ومحدش بيتأخر عن مساعدة الزمالك
كما كشف حسين لبيب رئيس الزمالك عن موقفه من خوض الانتخابات القادمة ، للتواجد في مجلس منتخب
حيث قال حسين لبيب : يحق لي الترشح للانتخابات لكن مش شاغل بالي واللي بيشغلني بس ان الزمالك يكون اجمل من اي حاجه تانيه والناس تشوفه كده
وواصل : من سن 13 سنة وانا فى الزمالك وملعبتش غير في الزمالك ومعرفش غيره
واضاف : الزمالك حصل علي بطولات كتير في اليد على جميع المستويات
واستطرد : كنا في صالة الزمالك بنحتفل بهم وكنت هعمل حفله مجمعة لالعاب الصالات وفوجئت ان اوجستي ووالتر مسافرين وايليانو من حبه في الزمالك لعب في افريقيا
واتم : قررت امبارح الساعة 4 العصر اعمل حفلة بالشكل المشرف للزمالك وبسبب سفر لاعبي اليد مع المنتخب
