رسالة نارية من حسام المندوه لـ فرجاني ساسي بعد ظهوره بتيشرت الزمالك – فيديو
وجه حسام المندوه عضو اللجنة المعينة لإدارة نادي الزمالك رسالة هامة إلى فرجاني ساسي نجم الوسط الفريق، وذلك بعد نشره صورة بتيشرت الزمالك أمس الأربعاء، في ظل عدم تجديد عقده مع النادي حتى الآن.
ونشر الدولي التونسي “فرجاني ساسي” صورة له عبر حسابه الشخصي على إنستجرام بـ قميص نادي الزمالك أثناء تأديه بعض التدريبات داخل “الجيم”
وقال ” المندوه” :” أنا عايز أسأل ساسي انت عايز ايه؟، وهل انت عايز تيجى ولا لا، وهل عايز تكمل مع الزمالك ولا لا ، وبجد انا مش عارف، واحنا بنحترمة جدًا ونقدره لكن الحب ده لازم يترجم لأفغال”.
وأشار :” احنا من ساعة ما جينا بنقول أننا على استعداد اننا نجدد لكل واحد عايز يجدد للزمالك، وبنقول ان ساسي قعد مع الزمالك 3 سنوات وقعت معانا احنا 4 ايام ولم تجمعنا جلسة مباشرة على الإطلاق”.
أول تعليق من أمين صندوق الزمالك.. عن صورة فرجاني ساسي بقميص الزمالك – فيديو
وأضاف ” المندوه” خلال استضافته في برنامج ” الماتش” على قناة ” صدى البلد” : ” فيه مكالمة جمعت بين حسين لبيب وساسي وتم الاتفاق على عقد جلسة لتجديد، بعدها تفاجئنا بمكالمة من محاميه يقول إن عقده انتهى وده مش صح إن عقده لم ينتهى مع الزمالك”.
وتابع :” الاتحاد المصري لكرة القدم أكد على موقف الزمالك، واحنا عايزين افعال مش فكرة لبس تيشرت الزمالك، والزمالك على مدار تاريخه موقفش على حد”.
وواصل ” المندوه” : “ساسي كان ليه مستحقات متأخرة وفيه خصومات عليه، وتم خصم الخصومات من المتأخرات عليه وتم إضافة المبلغ المتبقي في حسابه في البنك في ظل الأزمة اللى النادي بيمر بيها”.
وأتم ” المندوه” :” قولنا لساسي تعالى ونتفاوض ونشوف طلباتك المادية، وكنا منتظرين من ساسي غير كده وأنه يعود بعد فترة التوقف الدولي، أنه يرجع للتفاوض مع اللجنة من أجل تجديد عقده”.
شاهد:
