حذر خالد الغندور مقدم برنامج زملكاوي عبر قناة الزمالك الجمهور من الوقوع في فخ ترويج الطمأنينه للتتويج بلقب الدوري ، رغم ان البطولة لم تنتهي
وقال خالد الغندور : عاوز اتكلم على النغمة اللي طالعه ومنتشره وانا ماشي اروح مول واي مكان ، سواء زملكاوية او اهلاويه ، مبروك يا ابوالكباتن اقولهم ليه يقولوا الدوري بتاعكم السنة دي ، اقولهم لا لسه
وواصل : اكيد لعيبة الزمالك بيشوفوا الكلام والناس بتقولهم، بيحصل احتماعات بيينهم للتأكيد على ان الدوري لسه متحسمش
واشار : احنا فاضلنا 3 مباريات ومحتاجين 6 نقاط عندنا 3 ماتشات تقيله ورخمة النهارده اسوان خسر وامله راح شويه الانتاج لسه والبنك الاعلي لسه
كل شى وارد ماتش سيراميكا رخم وفرقه محترمه وبيلعبوا في السويس
واضاف : كل حاجه وارده مفيش في الكرة الموضوع حسم الدووي ولسه في فرصه للمنافس ، لعيبة الزمالك رجاله ومركزه وكارتيرون عارف ويقولوا لا لسه ده فرق 4 نقط، وممكن يقولوا ولعبنا مع المحلة والاتحاد والاسماعيلي ودجله وكان عندهم دوافع والماتشات الجايه اسهل لا هم مركزين وعارفين انه لسه
واستمر : مفيش حاجه كده احنا في بداية الدوري لعبنا ماتشات تقيله وبعدها تعادلنا وخسرنا من الاهلي
الاهلي اخد منك 4 نقط وانت اخدت منه نقطه وانت فارق عنه دلوقتي 4 نقط
واتم : يعني لوضربة الجزاء اللي ضاعت في مباراة الاهلي جت كانت هتخصم من الاهلي نقطتين وانت تاخد نقطه وكان زمانك فارق 7 نقط لوكنت اتعادلت معه
