تعليق نارى من احمد عبدالحليم علي مخاوف غياب بن شرقي امام الاسماعيلى .. ويكشف البديل!!

رفض احمد عبدالحليم ضيف برنامج زملكاوي عبر قناة الزمالك المخاوف من غياب اشرف بن شرقي امام الاسماعيلي فى المباراة القادمة ، مؤكدا ان الفريق الكبير لا يقف علي احد

وقال  : في اي ماتش في دروس وفي سمة في الزمالك انك بتقاتل لاخر دقيقه ولما بيجي فيك جول بتلاقي اللعيبة بتقاتل علشان تعوض ودي علامة من علامات البطولة وكويس انك تكسب والاداء غير جيد

وواصل : غياب بن شرقي عن مباراة الاسماعيلي مؤثر ولكنك معرض لغياب اي لاعب و اعتقد اللي هيشاركوا يوسف اوباما ليكون بديله ، وسيشارك شيكابالا واحمد زيزو وقدامهم سيف الجزيري

واشار : اسلام جابر لاعب كويس ولازم يكون عنده ثقه في نفسه انه لاعب كويس

وواصل : الزمالك حاليا بمن حضر ومش مستني وتقعد تقول بن شرقي غاب هو لاعب مؤثر لكن غاب بسبب الانذار هل مش هنلعب لا هنلعب

وأضاف : لما تقول علي لاعب بقيمة بن شرقي انه لازم يتعلم ازاي يعترض علة الحكم لا هو اكيد في حاجه وانه عاوز يشارك ولما يكون مش موفق ، وهو من اللعيبة المهمة في الزمالك ولما بيحس انه مش كويس بيتعصب وميقللش من قيمته من لاعب هنفتقده الماتش الجاي