فتح الإعلامي هاني حتحوت النار على المستشار مرتضى منصور، رئيس نادي الزمالك السابق، مستخدمًا في ذلك طريقة خاصة من خلال استخدام لعبة ” من اكون” دون ذكر اسم مرتضى منصور تاركًا الحكم للجمهور على اسم الشخصية التى يتحدث عنها.
وقال ” هاني” :” مهم جدًا نتكلم في فزورة، أو لعبة من أكون، و هقولكم معلومات وانتوا تقولوا مين انا، وهبدا كلامي وأقول، أنا في عهدي أخطأت، وانا اللى انغمست في الخطأ، وعشت في بحر الأخطاء، وعلى الرغم من كده لومت على اللى قبلى واللى بعدى لأنهم أخطأوا، لأنى لا اعترف بالأخطاء لأن الناس بتنسى بعد ما اكون مزعلهم”.
وأكمل ” هاني” :” انا اللى فى عهدى غرقت النادي في قضايا، وكل الجنسيات لجأت للفيفا وكلها فازت بقضايا ضدي، زى لاعب غاني اشتريته مرتين، وزى لاعب تونسي جبته ومشى وكسب قضية ضدى النادي”.
وأضاف ” حتحوت” خلال تقديمه حلقة جديدة من برنامج ” الماتش” على قناة ” صدى البلد” :” انا اللى ورطت النادي مع أندية واتحادات داخلية وخارجية، وانا اللى شتمت مسؤولين والإعلاميين واللاعبين”.
وتابع :” انا اللى خوضت في أعراض شباب ونساء وشيوخ، انا اللى سبيت المؤيدين والمعارضين، وشتمت مشجعين النادي الخاص بي والنادي المنافس، وانا اللى شتمت مدربين النادي بتاعتى ومدربين الأندية المنافسة”.
وأكمل ” هاني” ” فزورته” :” انا اللى مش بحب غير نفسي، ولو النادي كسب في وجودي يبقى انا السبب ولو كسب في غيابى يبقى انا اللى جبت اللاعبين اللى حققت المكسب، ولو الإشادة مجتش ليا اقعد ابعت في رسائل واقول هكشف حقائق ومستندات تقول انا احسن واحد في العالم”.
وكان المستشار مرتضى منصور رئيس نادي الزمالك السابق، قد أعلن في وقت سابق أنه يجهز مجموعة من القضايا التى ينوى عرضها على جماهير الزمالك خلال الأيام المقبلة.
وأتم ” حتحوت” :” لو عرفتنى وبعد كل ده عايز وقادر تتخانق علشانى سيب النادي وأزماته وركز معايا انا لانى بعرف احور الغلط اللى عملتة لـ صح، عزيزى المشاهد مين ده؟”.
شاهد:
فزورة ولو عرفت حلها هتعرف مين سبب مشاكل الزمالك
“أنا اللي ورطت الزمالك في أزمات مع كل الناس وفي كل القضايا وبعد كل ده.. ألوم اللي قبلي واللي بعدي.. أنا لأ” أنا مين؟ 💣🔥
مقدمة نارية لهاني حتحوت عن السبب الحقيقي لأزمات الزمالك#الماتش #صدى_البلد@HHathout pic.twitter.com/ICWd4vOERk— صدى البلد (@baladtv) September 19, 2021
