بصوا في المراية كويس.. ميدو يوجه رسالة نارية للاعبي الزمالك بعد الهزيمة أمام الأهلي – صورة

علق أحمد حسام ميدو، نجم الزمالك السابق، على خسارة الفارس الأبيض أمس على يد الأهلي في بطولة الدوري المصري الممتاز.

وإلتقى الزمالك والأهلي على ملعب القاهرة الدولي، ضمن مواجهات الجولة الثالثة من عمر المسابقة المحلية، وإنتهى اللقاء لصالح الأحمر بنتيجة 5 – 3.

إقرأ أيضا | أول قرار من كارتيرون عقب خسارة الزمالك امام الأهلى

وكتب ميدو عبر حسابه بموقع “تويتر”: “صباحً الخير على الجميع.. مبروك للاهلاوية يستحقوا فرحتهم بفريقهم كانوا نازلين مركزين وعندهم game plan واضح وتعليمات واضحه من مدربهم اللاعيبه بينفذوها بكل تفاصيلها”.

وتابع: “عكس لاعبي الزمالك إللي لازم معظمهم يبصوا في المرايه كويس ويسألوا نفسهم هما يستحقوا شرف اللعب للزمالك ولا لأ!”.

وأضاف: “اكيد كارتيرون عنده اخطاء زيه زي اي مدرب بيصيب وبيخطئ ولكن اسهل حاجه القاء اللوم على المدرب”.

واختتم: “اللاعيبه لازم تراجع نفسها وتعرف ان مفيش اي حاجه هتعوض جمهور الزمالك عن الاحراج اللي كلنا عيشناه امبارح الا الفوز بالدوري السنه دي”.