تعليق ناري من ميدو على اتهام جمال علام بالولاء لـ هاني أبو ريدة في اتحاد الكرة – فيديو

تحدث أحمد حسام ميدو نجم الزمالك السابق عن فوز قائمة المهندس جمال علام في انتخابات اتحاد الكرة التى أجريت اليوم الثلاثاء، مشيرًا إلي أن الكرة المصرية ستشهد عملية تطوير خلال الفترة المقبلة.

ونفى ميدو أن يكون جمال علام هو رجل المهندس هاني أبو ريدة رئيس الاتحاد السابق داخل اتحاد الكرة.

وقال “ميدو” :” ناس بتردد إن جمال علام هو راجل المهندس هاني أبو ريدة، والكلام ده غير حقيقي لو هو راجل هاني أبو ريدة كنت هتكلم، وأقول ده غلط، لكن ده غير صحيح”.

وأشار :” وهيحصل تغيير وتطوير وانا بطمنكم وبطمن الجمهور متخافوش استاذ جمال علام مش راجل هاني أبو ريدة والكلام ده مش حقيقي، وهتقولوا بعد 5 أو 6 شهور لما تشوفوا تطوير هتقولوا ميدو كان عنده حق”.

وأضاف “ميدو” خلال تقديمه حلقة جديدة من برنامج “الريمونتادا” على قناة “المحور” :” أنا لو أخويا هقول انه بيهجص عهد المهندس هاني أبو ريده انتهى برجالته مع احترامي ليه”.

وتابع :” احنا مش هنسكت على حد لان الناس هتحاسبنا لان الإعلامي ليه دور كبير بينور للناس الأخطاء ممكن اللي جوا مش شايفها، وانا متفائل خير واوعدكم ان هيكون في محاسبة”.

وأكد “ميدو” :” انا متفائل خير إن الكرة المصرية في الطريق الصحيح احنا نستحق الأفضل، وقيمة مصر من 70 سنة أول رئيس للاتحاد الإفريقي عبدالعزيز سالم لازم الناس تحس ان في رؤيا ويتم تنفيذها”.

شاهد: