تحدث سيد عبد الحفيظ مدير الكرة في النادي الأهلي عن كيفية انضمام لاعبي الأهلي المشاركين مع المنتخب في نهائي كأس الأمم الإفريقية المقرر إقامته اليوم الأحد.
ويشارك الأهلي حاليًا في بطولة كأس العالم للأندية ويعاني الأهلي من غياب اللاعبين الدوليين المشاركين مع المنتخب في بطولة كأس الأمم الإفريقية
وأوضح ” عبد الحفيظ” :” كلمت الشناوي والسولية وقولتهم بعد ماتش بكره سيبوا موبايلاتكم مفتوحه علشان نرتب لعودتهم للفريق وان شاء الله ربنا يوفقهم ويفرحونا بالبطولة”.
وأكد “عبد الحفيظ” : “نتحدث مع محمود الخطيب حول إمكانية سفر اللاعبين سريعا وسيتم ترتيب اجراءات سفر اللاعبين في الصباح”.
وقال سيد عبدالحفيظ :” جايين وعارفين اننا في موقف مش سهل لأن عندنا غيابات في المنتخب وإن شاء الله ناخد البطولة ويفرحوا مصر وعندنا إصابات، وكل كلامنا جاين نقدم مردود كويس وشخصيتنا وانك تلعب، ودي فرصتك لانك بتلعب في نادي كبير وتاخد الثقة مع الجمهور والحدث يكون مناسب لمردودك”
وأشار :” الظروف اللي مرينا بها بتدي مؤشر مش لطيف وايجابي وعارفين ان لاعبينا في المنتخب و قولنا مفيش مشكله ولو جم هيضيفوا ولو مش هنلعب ونكمل”.
وأضاف” عبد الحفيظ” في تصريحات له :” الظروف زادت أن موسيماني اتصاب بكورونا وعمار حمدي اللي ممكن كان يلعب بجانب ديانج اتصاب القايمة لحد امبارح بنشوف الاختيار والجو صعب وبنكلم مع اللعيبه بشكل إيجابي ولازم تعتبر عن نفسك وانك بتلعب باسم الأهلي”.
وتابع :” موسيماني قالهم انسوا أي حاجه ونلعب وربنا وقفنا وفي اكثر من فرصه الحمدلله ونبني على الحدث ده درس كبير في كرة القدم ويزيد من تاريخنا ولازم نبني عليه واصعب حاجه الاستمرارية وده المطلوب من الجميع”.
وأوضح :”بالنسبة لي طالما اشتغلت في كرة القدم لازم يكون عارف ان زي ما الناس تشيلك فوق دماغها ممكن تنتقدك وممكن الانتقاد مش ظريف ولازم تتقبله مادام اشتغلت الشغلانه دي”.
وأكمل :” عبد الحفيظ” :” ولو بتسمع الانتقادات من شخصية كبير أو بدون ميول تاخد منها الرجل مركز جدا وتون الصوت وهو بيكلم ولاعب الكرة ذكي وبيعرف يميز وموسيماني مكنش معنا في التدريبات في 4 ايام”.
واستطرد :”وهو بيكلم في المحاضرة قبل الماتش بس ونقل الثقه لهم انتاوهنكسب والجمهور رقم واحد النهارده وقولنا إذا كان العدد وعارفين انك عندك غيابات 15 لاعبا كلهم ثقة فيكم”.
