مرتضى منصور يكشف عن سبب مفاجئ في خسارة نهائي القرن ،، و يعلق :النادي الأهلي صعبان عليا | فيديو
شن مرتضى منصور هجوم شديد على كل من يهاجم مجلس إدارة نادي الزمالك و مسئولي القلعة البيضاء ، و من يقوم بـ زرع الفتنة بين الجماهير في الفترة الحالية.
و قال مرتضى منصور في تصريحات عبر قناته على يوتيوب : في ناس بتهاجمني عشان خسرنا بطولة السوبر الأفريقي لكرة اليد ،، بتهاجموني ليه ؟!
و تابع : الزمالك أول دوري كرة القدم ، و عملنا تدعيمات في كرة السلة بـ لاعيبة على أحسن مستوى ، و كرة الطائرة الزمالك بطل الدوري و الكأس ، و كرة اليد الزمالك بطل الدوري و السوبر .
و أضاف : إحنا شغالين على كل الملفات بكل جهد و حماس عشان نادي الزمالك يبقى أفضل و احسن ، و أحمد و أمير مرتضى مابيروحوش البيت ، و كل وقتهم في النادي .
و تابع : لاعب الزمالك أهم من مليون لاعب في الأهلي ، عشان بنكسب من غير حكام ، و من غير var ، و بنكسب بمجهودنا ، و زي اللي حصل في نهائي القرن ، الكل عارف الزمالك خسر ليه ، عشان كان طالع قرار بإن مرتضى يمشي ، و هل يجوز إن مرتضى يمشي و الفريق حاصل على بطولة أفريقيا ، و بالتالي خسرنا البطولة بفعل فاعل و كان أمام مرأي و مسمع من الجميع.
و واصل : جماهير النادي الأهلي تهاجم شيكابالا في مباراة وافق سطيف الجزائري ، طب بتهاجم شيكابالا ليه ؟! ، و اللي بيحصل ده هايعمل فتنة في مصر ،، و النادي الأهلي صعبان عليا باللي بيحصل فيه من شوية مرتزقة ، و طبعاً هناك جماهير بالملايين للنادي الأهلي محترمين ، و جزء أخر يسعى لإثارة الفتنة و التعصب.
و أكمل مرتضى تصريحاته قائلاً : حسن مصطفي مش لاقي حد يلمه ، عشان كده متفرعن علينا ، لكن لا انا هالمك ، و كلنا عارفين مين اللي وراك و انت بتساعد مين ، و شغال لـ حساب مين.
https://www.youtube.com/watch?v=tTXqfr8vQ_M
