أبرز تصريحات أمير مرتضى بشأن صفقات الزمالك الجديدة والزي الجديد للفريق وموعد مباراتي إيليكت التشادي
اطلق أمير مرتضى منصورالمشرف العام على فريق الكرة بنادي الزمالك، عدة تصريحات هامه بشأن الصفقات الجديدة لدعم الفريق، وموعد ظهور الزي الجديد، بالاضافة للحديث عن مواجهتي الفارس الابيض امام إيليكت سبور التشادي في دوري ابطال افريقيا.
وقال امير مرتضى في مداخله هاتفية بقناة الزمالك: “تم الإتفاق على كافة التفاصيل الخاصة بمباراة كأس سوبر لوسيل، االفائز من المباراة سيحصل على مليون ونصف المليون دولار والمركز الثاني سيحصل على مليون دولار”.
واضاف:” الإجراءات الخاصة بدخول الجماهير وبروتوكول مباريات كأس العالم سيتم تطبيقه في مباراة الزمالك والهلال، ونخوض مباراة كأس سوبر لوسيل بنفس الاهتمام بشأن البطولات الأخرى، تم بيع ما يقرب من 60 ألف تذكرة لمباراة الزمالك والهلال والاستاد يسع لـ80 ألف مشجع”.
وشدد مرتضى:” فيريرا ينتظر مباراة الزمالك والهلال أكثر من الجماهير لرغبته في خوض مباريات كبرى،وكان هناك حديث أن فيريرا يرفض خوض مباراة سوبر لوسيل لكنه كذب تلك الشائعات، فيريرا في المحاضرات الفنية لمباريات الدوري كان يتحدث مع اللاعبين حول مباراة كأس سوبر لوسيل”.
وواصل:” مشاركة الصفقات الجديدة في مباراة كأس سوبر لوسيل قرار يعود إلى المدير الفني، إبراهيما نداي أكثر جاهزية للدخول في مباراة الزمالك والهلال، زكريا الوردي وإبراهيما نداي يخضعون لبرنامج تدريبي في الفترة الحالية لتجهيزهم بالشكل الأمثل”.
واردف مرتضى: “ماتش ايليكت التشادي بعتنا للنادي وزارة الرياضه ولاتحاد الكرة بدولة تشاد بطلب بلعب المبارتين في القاهرة لكن مفيش تجاوب اوي، بعتنا بشكل رسمي ان الزمالك يستضيفهم وتقام مباراتين دور الـ64 بالقاهرة ومفيش رد رسمي، مش قادر اقولك هيتلعبوا ال, 2 في القاهرة او ماتش في الكاميرون والتاني بمصر لان لسه مفيش رد منهم”.
واوضح:” ممكن مباراتين دور ال64 من دوري ابطال افريقيا، يتلعبوا في اسبوع يوم12 و16 لوفي القاهرة
لوموافقش نادي إيليكت وهيتلعب في الكاميرون والقاهرة هيكون يوم12 والعودة اخر الشهر، مستنين رد الناس في تشاد”.
واكد امير: “اللبس الجديد هيظهر في ماتش السوبر بقطر بالتنسيق مع الشركة الراعية المفروض مواعيد التسليم31 اغسطس هنحلق نسافر باللبس الجديد وهيظهر في تقديم الصفقات الجديدة”.
واستطرد: “جمهور الزمالك تحديدا من الجماهير الي بتحب التفاصيل، وبيشوف مين لعيبه كويسه المتاحه ولو يساعد حد ويرشح لاعب وده بيميزهم، بشكر الجمهور على الدعم ومقدر تخوفهم وتعطشهم للصفقات لان محرومين من القيد فترتين، الصفقات كلها حاجات فيريرا محتاجها والرجل مختار بعنايه ومشاركين في الترشيح له”.
واكمل امير:” طول الموسم مكنش بحدد ارقام علشان نحافظ على الفريق وناخد البطولات، احنا قفلنا على نفسنا وفي نفس الوقت كنا بنقيم احتياجاتنا الفعليه ولوكان قيمنا من شهور كان العدد اختلف”.
وتابع:” محدش كان يصدق ان نيمار ويوسف اسامه بديل بنشرقي ومش معناه اننا مش هنجيب صفقات لا احنا النادي الوحيد اللي يحافظ على فرقته وكان عندنا نفس طويل لحصد البطولة، بنكلم عن6 او8 صفقات وهنشوف اللي محتاجينه ممكن اجيب لاعب بيأدي في اكثر من مركز لحد اللحظه الدوري مخلصش ولانادي اعلن عن صفقات غير الزمالك، مش قادر افهم التخوف جاي من ايه انت من 30 اغسطس لشهر 10 نقدر نتعاقد”.
واشار مرتضى:”شغالين على اجنبي حاليا للتعاقد معه، لان الصفقات مش هتشارك في الادوار التمهيدية بافريقيا فامامنا وقت، الجمهور له حق يسال ويطمن هي صفقات فيريرا مختارها وادارة الكرة مختارها بعناية، الصفقات 3 اجانب وفي 4 او5 مصريين هنتعاقد مع اللي محتاجينه وهيعمل اضافة ميعاد اعلانها في حاحات لها علاقة مع انديه الدوري لسه شغال ومينفعش نتواصل مع اللعيبه الا لما الموسم يخلص”.
واختتم:” مفيش وجه للاستعجال ومش هنتخانق على لاعب، لوفي لاعب مناسب وعليه طلب من الزمالك والاهلي وبيراميدز، رغبته لازم تكون الزمالك ومش هندخل مزايدات مع حدربنا اكرمنا علشان الرجاله اخلصت ولازم الصفقات الجديدة تكون زيهم”.
