أبرز تصريحات مرتضى منصور بشأن الصفقات الجديدة وزيادة أعداد الجماهير وهجومه على شوبير والحلفاوي وكريم شحاته-فيديو

اطلق المستشار مرتضى منصور العديد من التصريحات التي تخص الزمالك وأبرزها زيادة اعداد الجمهور في مباراة الحسم أمام الاتحاد، والصفقات الجديدة، وفتح النار على أحمد شوبير وكريم حسن شحاته وإبراهيم سعيد والفناة نبيل الحلفاوي

ويسرد لكم موقع “زمالك نيوز” خلال السطور التاليه ابرز ما جاء على لسان رئيس القلعة البيضاء

وقال مرتضى منصور في مداخله هاتفية ببرنامج زملكاوي عبر قناة الزمالك :”تابعت بيان وزارة العدل وعلشان كده بقول للخطيب بلاش المحامي بتاعك يتكلم عن الأحكام من فضلك خلال فيه جهات حكومية محترمة، مالك تعبان وعمال تلف ان قولت انا مش هجرح قاضى او حكم لان ده حقي، وانا موفق تمامًا وبقلهم بلاش لعبة التقطيع بيني وبين القاضى”.

واضاف:”لم أتعرض للإهانة لأى قاضى بالإساءة، ووجهت الشكر لمعاون النيابة، بقول للعيال دى لما نفسكم، ولما قلت “شفتيرو ” كان قصدى على “شوبير”، وبلاش اللعبة الوسخة اللى انتوا بتعملوها،بقول للخطيب لم اللجان اللى عندك، احنا قرفنا يا محمود وخليك في فريقك، وملكش دعوة بينا، وبقول لمحامي الأهلي بلاش اللعبة دى ، و”شوبير” هو اللى “شفتيرو” وبقول للخطيب “هل عايز تمسك الأهلي والزمالك مع بعض انت نزلت الأهلي من الدور الـ 26 للدور الأرضى عايزين شوية هدوء”.

وتابع مرتضى :”الزمالك مركز وان شاء الله ربنا يوفقهم في مباراة الاتحاد ،كان فيه مكالمة مع محمد مصيلحي، علشان اباركلة على ضمان البقاء في الدوري، بقول لـ خالد جلال مشى الواد النحس اللى معاك اللى كل شوية يضرب أخبار في الزمالك المقصود “كريم حسن شحاتة”، مشية وهتكسب ان شاء الله، وده نحس ابوه، و دلوقتي قاعد في البيت بقالة عشر سنين “.

واستطرد :”شوبير قال انه عايز يذيع ماتش الزمالك والاتحاد بقوله ارجوك من فضلك رفقا بيك انت، بلاش تذيع وممكن يطقلك عرق بسبب جون الزمالك، وابعد عن الزمالك ،رسالتنا للمسؤلين فيه مذيعين كتير محادين بلاش تستفزونا بيه، بقول لـ شوبير كلمة “شفاتيرو” مش سب قذف ده وصف علشان عرفت انك بتزعل منها، وعرفت انك مشغل بنتك في الشركة المتحدة بـ 60 ألف ، وبقول له انتظر المفاجأت في الموسم الجديد وصدقنى كل الخريطة هتتغير”.

وأردف :”كانت فيه مكاملة مع الأخ أحمد دياب ومع سيف الوزيري المسؤول عن الشركة المتحدة وتذكرتي، اتمنى ان شاء الله يتم زيادة عدد التذاكر وانا مش بحب احرج حد، إن شاء الله ربنا يوفق الأولاد والواحد من جماهير الزمالك بـ 20 ألف واحد من الجماهير الثانية”.

وشدد “مرتضى” :” بقول لـ نبيل الحلفاوي انت راجل كبير عيب انك تعمل حاجة زى كده وتكتب أن الأهلي وافق على إعارة درع الدوري للزمالك، لما مرة لسعتك واحدة عيطت ولفيت على مصر كلها، وكلنا عارفين حالتك النفسية وانا كلمت الدكتور أشرف زكي علشان الواقعة دى، بقولة احترم سنك وابنك، واحنا عارفين حالتك النفسية عاملة إزاى، انت دلوقتي بقى عمرك 105 سنه ياريت تحترم نفسك وتبعد عنا”.

واكمل:”بقول لـ إبراهيم سعيد متخلنيش احكى حاجات تقعدك في بيتك، اهمد يا نبي واهدى احنا مش ناقصينك دماغنا وجعنا، انت خدت حقنة بقيت أهلاوي مرة واحدة في الأول كنت زملكاوي، وبقوله اهمد بقى احنا عندنا حاجات تانية مش فاضيين ليك، انت مشكلتك الوحيدة انك كنت عايز تشتغل في الجهاز الفني للزمالك في الفريق الأول وانا قولتلك ابدا بالناشئين”.

وواصل “مرتضى”:”ده أصعب دوري في العالم وبقول لجماهير الزمالك إن شاء الله نعمل احتفالية تليق بيكم تكون في الشوارع وفي كل حتة وده بفضل ربنا، عندنا تبادل لاعبين مع فيتشر واتحاد السكندري والجيش، وكل الأندية ومعندناش مشكلة مع أي نادي في مصر”

واوضح”اللى بيقولى خلى امير يقول أسماء الصفقات من فضلك بلاش كده، جميع الصفقات اللى تم التعاقد معها بتعلميات من فيريرا، امير مش بيقولى على أسماء الصفقات وجماهير الزمالك واعي ومحترم عنده ثقة في الإدارة”.

واختتم:”اللى بيحب الزمالك ميقلش أسماء الصفقات على صفحاته والقنوات بتاعته”.