وجه المستشار مرتضى منصور رئيس نادي الزمالك، رسائل ناريه للاعبي الفارس للأبيض، ومحمود الخطيب رئيس الأهلي وإسلام الشاطر وذلك قبل مواجهة السوبر أمام الأهلي.
وقال مرتضى منصور في تصريحات متلفزة عبر قناة الزمالك:”انا نبهت على اللاعبين رايحين نمثل مصر مش الزمالك نحاول نبعد عن اي ازمات”.
واضاف:” اتمنى البرص اسلام الشاطر يلم نفسه، وبحذره هو وكل اللي في القناة بتاعتهم يلموا نفسهم، وبعد العوده من الامارات ايا كانت النتيجه هفضحكم كلكم”.
وشدد مرتضى:” يقولك لا الفانله متبقاش زرقا، لاحسام عبد المجيد ميشاركش، لم ارى في حياتي رخامه كده”.
واوضح:”يعقوب السعدي كلمني نص ساعه النهارده وقالي انا مقولتش اي كلام من اللي ييتقال ده عليك”.
وواصل منصور:”لم لجانك بقى ياخطيب، انا لاتحدث عن الاهلي بسوء، اتمنى يعدي الماتش على خير، وميحصلش ﻤشاكل زي مشكله وليد سليمان وامام عاشور”.
وزاذ:” رسالتي للاعبتي انتم هتسنفزوا واحنا بنمثل مصر ولازم نكون على قذر المسئولية”.
واستطرد مرتضى:”داخلين دلوقتي في قلة ادب مفيش اهلاوي محترم يوافق على اللي بيحصل منهم وقلة الادب والسفاله، مفيش رياضة كده والباشا هرب راح فرنسا، قالوا له طلع بيان علشان الناس تهدى زي مامرتضى بيصدر ييانات، قال لا انا الاسطورة”.
واختتم:” اتمنى الزمالك يكسب ويرجع بالسوبر ونتيجه المباراة مش مقياس لاي حاجه”.
