كشف المستشار مرتضى منصور رئيس نادي الزمالك، عن سبب تعثر صفقة منتظر التعاقد معها لدعم صفوف الفارس الابيض الموسم القادم، وجدد موعد للاعلان عن حسم الامر سواء باتمام الصفقة او الفشل في ضمها.
وقال مرتضى منصور في تصريحات عبر فيديو تم بثه على قناته باليوتيوب:” في صفقة البعض اتكلم عنها مازالت متعثرة جداجدا جدا وكل الانديه خايفه بسبب الحجز على الارصدة”.
واضاف: “عندنا مشكله مع اتحاد الكرة وبنتواصل مع جمال علام وباقي الاعضاء”.
وشدد مرتضى:” العيال اللي بتقل ادبها علشان فريق اليد، الفريق مشي منه اهم 3 لعيبه، وتقولوا احمد بيعمل ايه، حسن مصطفى عنده عقده ومش طايق الزمالك، الزمالك طلع الـ2 والاهلي الـ3 يبقى احنا الاول في مصر، كفايه، هم دول الابطال من فترة قليله”.
واوضح: “ادعوا ربنا نخلص الصفقة، الولد مصمم لكن النادي من حقه يضمن فلوسه، انتظروني الساعه 11 لوربنا كرمنا هقولكم لومخصلتش هقولكم، ممدوح عباس الله يخرب بيته، الانديه بتقولنا شيكاتكم كلها ملهاش رصيد”.
وواصل مرتضى:” الناس اللي بتهاجم جمال عبد الحميد، ياجماعه انا جايب نقاد رياضيين من حقه ينتقد ويقول، انما فيريرا انا في ضهره وسانده سيبوا الناس تقول رايها، هولما جمال عبد الحميد يقول راي همشي فيريرا؟، سيبوه يقول، بلاش الوقيعه بين جمال وفيريرا، كل ناقد من حقه يقول رايه”.
واكمل: “كل ماتتكلموا فين الصفقات، ماتسال جمهور الاهلي فين صفقاته ومع ذلك واقفين في ضهر الخطيب”.
واختتم:” عيب بجد انا ممكن اقلع البدله واقعد في بيتي انابشتغل من الصبح علشان اسعد الملايين”.
