سخر أحمد حسام ميدو نجم الزمالك ومنتخب مصر السابق، من البرتغالي كارلوس كيروش المدير الفني السابق للفراعنة، مُشددًا على إنه سبب عدم تأهل المنتخب الوطني إلى كأس العالم، قطر 2022.
وكتب ميو عبر حسابه الرسمي بموقع التواصل الاجتماعي “تويتر”: “مازلت مقتنع إن كيروش هو السبب الرئيسي في عدم صعودنا لكاس العالم”.
وأضاف: “ماتش القاهرة بتاع السنغال لو ماسكنا مدرب عنده قلب كنا كسبنا مستريحين!! للأسف خاف ياخذ أي مخاطره في الشوط التاني!!”.
وواصل: “أحلى حاجه اتقالت انه مدرب عظيم بيهتم بالتفاصيل الصغيرة ده حتى بيهتم بطول النجيلة!!”.
وأردف في “تويتة” أخرى: “من ضمن الدروس المستفادة من عدم تاهلنا لكأس العالم إن ماينفعش المدرج يبقى٨٠٪ منه المدامات والبهاوات وعيالهم في ماتش مصيري!”.
واستكمل: “لازم جمهور الكورة الحقيقي بتاع الدرجة التالته يبقى مالي الملعب.. الجمهور إللي طول عمره بيحرك الصخر.. جمهور القازوزه واللب وساندوتشات الحلاوة”.
وأتم بـ “تويتة” ثالثة: “كرة القدم لعبة البسطاء لازم ٦٠٪ من الملعب جمهور الدرجة التالتة التذكرة ب ٤٠ جنيه بالكتير و ٣٠٪ الدرجة التانية و ١٠٪ الدرجة الاولى والمقصورة الامامية والمقصورة الرئيسية غير كده اقلبوها كروكيه ونلعب الماتشات في نادي الجزيرة الساعه ١١ الصبح!!”.
