كشف روي ڤيتوريا المدير الفني لمنتخب مصر الأول، كواليس إصابة محمود متولي لاعب النادي الأهلي خلال معسكر الفراعنه.
وقال ڤيتوريا في تصريحات تليفزيونيه عبر قناة اون تايم سبورتس:” بكره اخر يوم في المعسكر الأول الخاص بالمحليين ، بعد التمرين الخامس المدرب هيلعن القائمه بكره مساء بعد التمرين .
واضاف: “لا انا ولا اي احد في الجهاز الفني استلم اي تقارير طبيه بخصوص محمود متولي ، طبعاً اللي حصل مع متولي هوضحه عشان ميبقاش في اي اسئله عند الناس”.
وشدد ڤيتوريا:” بالنسبه للتمرين الاول حتى تمت اصابه محمود متولي، بعد كده دخلنا في تمرين “باصات” كان حوالي ١٠ او ١٢ دقيقه بالكره بس ، الي حصل ان اللاعب قال انا حاسس بحاجه وخرج ، هو شارك حوالي ١٠ دقائق وخرج .
واردف: “اول حاجه لما باجي اطلب استدعاء لاعب للمنتخب ، بكلم الاجهزه الطبيه في الانديه ، وفي حاله متولي لم يخبرني أحد بأي اصابه لدى اللاعب ، حتى في اخر مباراه شارك فيها اللاعب مع ناديه خرج في الدقيقه ٦٠ ولما سألت النادي لم يخبرني انه يعاني من اي شئ ولم يخرج بسبب الاصابه” .
وتابع: “انا ممكن اقبل ان الناس تنتقد اللاعب او المدرب ، لكن تتكلم عن احترافيتي لن اقبلها ابدا ، انا كنت بدرب فرق وعارف الانديه بتبقى محتاجه ايه ، انا عارف ان اللاعب لما بيبقى محتاج يطور نفسه بيشتغل مع نفسه الصبح او بعد الظهر”.
واختتم:” انا بعد المعسكر هبعت تقرير لكل الانديه كل لاعب عمل ايه فالمعسكر اثناء التدريب ، عندنا عضو في الجهاز الفني بيتواصل دوماً مع الانديه يخبرها بكل التطورات”.
