لقن الإعلامي خالد الغندور نظيره إسلام الشاطر، مقدم البرامج بقناة الأهلي، درسًا قاسيًا على الهواء وذلك بسبب لاعبو الأحمر واختيارهم الأفضل في مصر عن موسم2022.
وقال خالد الغندور في تصريحات تليفزيونيه ببرنامج زملكاوي غبر قناة الزمالك:” الكابتن اسلام الشاطر انتقد جريدة المساء واختيارها لاعبو الزمالك الأفضل في مصر الموسم الماضي، وقولتله ننتقد لما يكون الاختيار مش هو الافضل، متقدرش تقولي فيريرا ولا عواد وزيزو مش الافضل”.
واردف: ” منتظر كابتن اسلام الشاطر يرد على اختيارات وشوشه للاعيي الأهلي انهم الافضل، لانه قال الاستفتاءات فيها مجاملات، نفاجئ بان وشوشه اختارت اكرم توفيق افضل باك رايت في مصر2022 وهو اصيب في يناير في ماتش نيجيريا ولم يشارك في2022خالص”.
وشدد الغندور: “اكرم لاعب جيد ومقتنع ان ديفيندر افضل من باك رايت، وله سلبيات بس عندنا معلقين بيضخموا في بعض اللاعبين، واحسن لاعب ورهيب وبيسكت لما بيغلط، عندنا افورة في التعليق علشان الجمهور يحبني ويطالب بيه”.
وتابع:” حاجه غير منطقيه اختيار اكرم، زي من سنتين برده اختاروا موسيماني وهوكان لسه جاي من شهر، ليه الاهلي افضل نادي في مصر وهو صفر بطولات”.
واختتم: ” ده اللي اسمه مجاملات وعلاقات عامه ياكابتن اسلام، وتيجي تقولي احنا شعبية ونكسب اي حد وكسبنا معلول افضل باك ليفت في كأس العالم وهو مشاركش مع تونس، عيب في حق جمهور الاهلي اصلا جمهور الزمالك عمره مايعمل كده”.
