أكد المستشار مرتضى منصور رئيس نادي الزمالك، ان ازمة محمد مصطفى لعبه لاعب الفريق الاول للكرة الطائرة بالفارس الأبيض قد انتهت، ووجه رساله ناريه للجمهور بسبب عقود الرعايه وجيسفالدو فيريرا.
وقال مرتضى منصور في مداخله هاتفية ببرنامج زملكاوي عبر قناة الزمالك: مشكله لعبه لاعب الطائرة انتهت وتنازل عن الشكوى، واخد مستحقاته هو وباقي اللاعبين”.
واضاف: “الحمدلله وقعنا الرعايه، وفي النادي المنافس واحد بيقول فنكوش الشركه الراعية، ولكن ده مستوى الاداره اللي في المنافس حاليا، انا امبارح قلت قدام سيف الوزيري ان ارقام الرعايه بالاهلي كلها كذب”.
وشدد مرتضى:” مبلغ الرعايه يقترب من الاهلي، ومش من حق حد يعرف الرعايه بكام، ومع احترامي للجمهور دي مش شغلتك دي شغلة الجمعيه العموميه”.
وأشار: ” احمد وامير بذلوا مجهود كبير مع الشركة الراعيه ولو فلوس دي بتاعت ام وابو امير واحمد مش هيعملوا كده في المفاوضات مع الشركه الراعيه”.
واردف: “انت بتسأل عن ثمن الرعايه ليه انت مال اهلك، الشركه قالت متعلنش في انديه تانيه بترعها واللي يحاسبني ربنا وجمعيتي العمومية وضميري
وواصل مرتضى:” اللي بيقول متتكلمش عن فيريرا والفريق، لا وحياه امك انا اتكلم، و الجمهور له عندي صفقات وبطولات، وفيريرا له استقرار ومستحقات، اللعيبه هتاخد جزء من مستحقاتها بكره”.
واختتم:” انت مش من حقك تتكلم، يقول اصل يا استاذ مرتضى مينفعش تتكلم عن فيريرا كده، انا قلت اللي بيحب مرتضى اكتر من الزمالك مش زملكاوي، ولا اللي بيحب فيريرا اكتر من الزمالك مش زملكاوي”.
