تحدث المهندس يحيى الكومي رئيس مجلس إداره النادي الاسماعيلي عن شائعات عزله من اداره الاسماعيلي ، مؤكداً أنه غير راضي عن مركز الاسماعيلي في الدوري.
وقال الكومي في تصريحات تلفزيونيه عبر برنامج اللعيب:”النتائج ليست على قدر طموحات الجماهير والادارة، احنا مستمرين في ادارة النادي وعندنا مشاكل ماليه كبيره ومفيش حد بيدعمنا وربنا يكرمنا”.
وتابع :”ايمن الجمل عمل فريق كويس احسن من جاريدو وطلع ،لعيبه جديده وبدأ يظهر ان في صفقات كويسه، احنا عملنا كتير وتعاقدنا مع صفقات جامده جدا”.
وواصل:” احنا محتاجين دعم من الدوله لكي ادفع المستحقات، شركة برزنتيشن بتديني مبلغ ميخلنيش استمر في الدوري ومفيش اعلان واحد على التيشرت ومجابوش لنا معلن واحد”.
وأكمل:” الحديث عن رحيل الادارة ياتي من بعض الجماهير الراغبه في الرحيل ولكن الاسماعيلي يحتاج لاستقرار الادارة والجهاز الفني”.
وأضاف:” ايمن الجمل مستمر في تدريب الإسماعيلي وكل مايتردد عن التفاوض مع مدربين ماهو الا اجتهادات صحفيه”.
وأتم:” رمضان صبحي وعبدالله السعيد سابوا الاهلي وراحوا بيراميدز علشان الفلوس ومش عيب ان حسام وابراهيم حسن يروحوا المصري علشان الفلوس”.
