أكد أسامه نبيه المدرب العام السابق للزمالك،انه لايوجد أزمة في تجديد عقد نجله يوسف مع الفارس الأبيض، وشدد ان البعض يحاول إثارة الجدل قبل المواجهة المرتقبه أمام الأهلي في قمة الدوري، والمقرر إقامتها اليوم السبت.
وقال أسامه نبيه في مداخله هاتفيه ببرنامج “زملكاوي” عبر قناة “الزمالك”:” مفيش دوري من الموسمين الماضيين مكنش فيه فترات صعبه ولكن قدرنا نتخطاها وبنتوج بالبطوله”.
واضاف:” اللعيبه عندها قدر وثقه في نفسها ان نفس التوقيت بيحصل نفس المشاكل، بكره ان شاء تكون العوده للمنافسه على الدوري، ونفوز بالبطولة في انجاز غيرمسبوق بحصد اللقب الـ3 على التوالي”.
وشدد نبيه:” اللعيبه حاسين بالمسئوليه الكبيره اللي عليهم، و انهم يسعدوا الجماهير، وكلهم يقدروا يعملوا تحول خلال اللقاء، والتوفيق يكون من نصيبهم”.
وواصل: “رسالتي للعيبه امكانياتكم كبيره ومعكم جهاز على اعلى مستوى، ثقوا في نفسكم انتم فرحتونا في الموسمين الماضيين، انتم اللي هترجعونا للطريق الصحيح، وثقتنا كبيره فيكم، وتحرروا من الضغوط قدموا كرة فنيه نستمتع بها”.
واردف نبيه:” في قله قليله بيندرجوا تحت مسمى الزمالك، و ملهمش علاقه بالزملكاويه، وجرى العاده ان يتنشر شائعات قبل المباريات الهامه، انا كفيل ارد على اي حاجه مش عن يوسف إبني بس لا اي لاعب بالزمالك، وخيرنا كله من الزمالك واحنا ولاد الزمالك ومش هنزايد علي ده”.
واكمل:” اللي عملت الموضوع ده محدش يعرفها اصلا، وكان لازم ارد واحنا مرحبين بالتجديد مع الزمالك، بس ميكونش الكلام قبل ماتش القمة”.
واشار نبيه:” درونا مش بينتهي بمجرد خروجك من النادي، لا دورك المسانده والمساعده، وكل الموجودين اخواتنا وربنا يوفقهم، واتمنى نخدم الزمالك باستمرار”.
وزاد: “قلت ليوسف اتحرر من الضغوط وانزل استمتع واتمنى يكون في بصمه جماعيه مش بصمه ليوسف بس”.
واختتم:” بنشكر الجمهور، واحنا بنشتغل لاسعادهم ومسخرين قدراتنا لجمهورنا اللي بيدعمنا باستمرار وان شاء الله بكره تكون ليله سعيده”.
