“المنظومه فيها حاجه غلط” .. شوبير يفتح النار على الجميع بعد فضيحه منتخب الشباب!!
فتح الإعلامي أحمد شوبير النار على المنظومه الرياضيه المصريه وذلك بعد خساره منتخب الشباب في مباراته امام نيجيريا ببطوله امم افريقيا للشباب والمقامه على الأراضي المصريه.
وقال شوبير في تصريحات تلفزيونية عبر برنامج ملعب أون تايم:”ما شاهدناه امام موزمبيق و نيجيريا بيقول ان صعب اننا نصعد ، لا ده صعب جداً اننا نصعد” .
إقرأ أيضاً| بعد أنباء حلها .. سيف زاهر يكشف أخر تطورات أزمه قيد صفقات الزمالك !!
وتابع :”احنا بقالنا ١٨٠ دقيقه معرفناش نجيب جول ، منتخب السنغال اللي هنلاعبه متأهل ومربع ايده ومعندوش اي ضغوطات او شد عصبي”.
وواصل :”واحد يقولي ما السنغال ممكن تلعب بالبدلاء كلام منطقي ولكن من مصلحه السنغال ان يقصي صاحب الارض والجمهور ولو ان الجمهور قليل” .
وأكمل :”لو اتعادلنا هيبقى عندنا بصيص امل بنقطتين اننا نصعد احسن توالت ، ولو كسبت مفيهاش فصال اربع نقاط توصل احسن توالت” .
وأضاف :”وصل بينا الحال ان احنا على ملاعبنا واوض ملابسنا وفنادقنا ندور على احسن توالت ، متعشمش نفسك نيجيريا صعدت ب٦ نقاط لان موزمبيق الحلقه الاضعف في البطوله كلها” .
وشدد :”الكوره المصريه فيها حاجه غلط ، منتخب الشباب في مأزق ، منتخب الناشئين في ورطه ، المنتخب الاولمبي بيعاني وكسب ايسواتيني بالعافيه بهدف وعنده زامبيا”.
وأردف :”منتخب الكبار خسران من اثيوبيا اتنين صفر ، المنظومة لازم تتعدل ، هناك شئ ما خطأ في المنظومه ، نتمنى من الله ان نعيد الحسابات من جديد”.
وإستطرد :”شكل الدوري العام فيه مشكله ، النهارده باتشيكو بيعترض على ارضيه ستاد برج العرب ، الملعب ده تحمل ما لا يتحمله اي ملعب في العالم ، عندنا ملاعب حري الحدود واسكندريه منحطش كل الماتشات على ملعب واحد”.
وتابع :”اي مدرب يطلع يقول كلمتين اتوقف واقعد ، اي شغب يحصل من اللاعبين أتوقف واقعد ، عوده الجمهور لازمه ، لما تحط قوانين رادعه كله هيلتزم” .
وواصل :”لما اختار مدربين لمنتخبات الشباب والناشئين لازم يبقى في حيثيات انا اختارت دول ليه ، الناس دي محترمين وليهم كل تقدير ولكن لازم اقول اختارت ليه ، احنا كنا زعلانين ان وصلنا مع السنغال ضربات جزاء وبعدين ننحدر كده” .
وأتم :”كاس العالم اللي جي هيبقى ٩ مقاعد نص لافريقيا مينفعش ميبقاش فيهم مصر ، اسهل حاجه الشماعات ،بس احسن حاجه الشغل والاحسن والاحسن انك توفر جو احترافي للمنظومه” .
