“انتم مش حاسين بزعلنا؟!”.. سيف زاهر يواصل هجومه على لاعبي الزمالك ويطالبهم بهذا الأمر !!
واصل الإعلامي سيف زاهر هجومه على لاعبي الزمالك وذلك بعد تلقي الفريق لخساره جديده أمام نادي شباب بلوزداد بدوري أبطال أفريقيا.
وكان الزمالك قد تعرض للهزيمه أمام نادي شباب بلوزداد الجزائري في افتتاحيه مشوار الفريق بدور المجموعات بدوري أبطال أفريقيا بهدف نظيف سجله ليونيل وامبا من علامه الجزاء.
إقرأ أيضاً| “المركب هتغرق” … ميدو يحمل هؤلاء مسئوليه سقوط الزمالك وانهياره الفتره الماضيه!!
وقال زاهر في تصريحات تلفزيونية عبر برنامج ملعب أون تايم:”معادش عندي كلام للعيبه الزمالك كلام ، معدش عندي ليهم اي مبررات” .
وواصل :”رساله للعيبه الزمالك ، اي لعيب في الظروف دي عاوز يبعتلي يوضح او يشرح الكلام ده تمام ، في ظروف كده مبتقبلش فيها احاديث معينه “.
وشدد :”اتمنى ان مفيش لعيب من الزمالك يبعت لأي اعلامي او يحدف كلام ان مثلا مخدناش فلوس بقالنا فتره” .
وتابع :”خلي عندك احساس ووصل انك حاسس بجمهور الزمالك ومضايقتهم ، الزمالك فنياً في حاله غريبه وعجيبه ، هو انتوا القصه ايه ؟ انتوا حاسين بأيه ؟ دي مش تقسيمه ! “.
وأضاف :”سيف الجزيري مش عاوز يروح للكوره هو ايه الموضوع ؟ انتوا فكركوا ايه ؟ فين المجهود”.
وإستطرد :”مع احترامي لفيريرا وتصريحاته ، هو انت بتتكلم عن فريق تاني ولا فريق الزمالك ؟ الجمهور مقصرش وعمره نا قصر الزمالك في اخر ٩ مباريات خسر خمسه واتعادل تلاته وكسب واحده “.
وأتم :”كم انت عظيم يا جمهور الزمالك على المسانده والدافع بغض النظر عن النتيجه ، الحقيقه النهارده اداء صعب جداً جداً وارقام غريبه جدا جدا ، عواد ١٤ هدف في ٩ مباريات هو انتوا ايه ياجماعه انتوا مش حاسين بزعلنا ؟ مش حاسين بزعل الجمهور!”.
