منح المستشار مرتضى منصور رئيس نادي الزمالك، مسئولي إتحاد الكرة مهله حتى الصباح للتراجع عن قرارمتع قيد صفقات الفارس الابيض، وهدد بفضح كل ما حدةداخل اروقة الجبلايه يوم الثلاثاء الماضي.
وقال مرتضى في مداخله هاتفيه ببرنامج “زملكاوي” عبر قناة “الزمالك”:” النهارده كنت عند الوزير قولتله انا قرفت عاوز امشي ، مبقتش طايق قله الادب، كهربا الموقوف دوليا يلعب والـ3 بتوع الزمالك المحترمين ميلعبوش القصة بيبو ميزعلش، القصه مش فلوس، مش عاوزه اتكلم لان الدوله فيها قيادات محترمه وادينا فرصه نحل وهم اتورطوا في قرار خاطئ”.
وواصل مرتضى:” انت بتكذب يا استاذ حازم ياامام وقولت محدش كلمك علشان ازمة المنع لا وليد للعطار ومحمدابوالوفا كلموك وقولتلم لا، طيب لماعرفت ان في ازمه للزمالك عملت ايه؟.
واكمل:” هات لي نص بالايحه من شروط القيد الفلوس، والتسجيل واضح شروطه قبل 31 يناير والقيد ليس له علاقه بالفلوس، لنفترض ان والشركه الراعيه اختلفنا لا املك منع دخول الكاميرات لاذاعه الماتشات تبقى بلطجه”.
واشار مرتضى:” انت مش عاوز تدوس علشان البطاقه اللي عملتوه ممكن يلغي النشاط الرياضي في مصر، ومعايا فيديو بماحدث واستاذ محمد ابو الوفا وقالي قاعدين للساعة11 علشان نحاول تشوف حل، مع احترامي للاهلي وجماهيره هل الاتحاد الدولي قالك خلي كهربا يلعب”.
واكد:”رئيس نادي اسوان جاب الاستغنا بتاع بلحاج الساعه9 وناصر منسي الساعة8 والاستاذ فرج عامر رفعه متاخر، انا مش شغال عندك بيان جماهير الزمالك لا انت مرتشي انت لوزمالك تقول ان جاب 40 بطوله وعملتلك قناة”.
وزاد:”انا سايبهم للصبح يشوفوا مخرج للجريمه اللي عملوها الجمهور المفروض يضغط معايا مش يشتمني، يعني رغم الخلاف معهم روحت بنفسي وصورت كل حاجه علشان ميقولوش ان رايح اتهجم عليهم، مش عاوز حد يقلق انا في الميعاد سجلت انت داخل في خناقه ومؤامرة”.
واسترسل مرتضى: “انا علشان امن البلد مدي فرصة للاتحاد يحل الجريمه لان مش من حقه يمنع القيد الفيفا هو اللي من حقه، لما اطلع دفتر شيكاتي الخاص يقولي هو احنا مش وقفينك مش هنقبل الشيكات، انت وقفني ليه؟”.
وتابع:” انا اقدم شكوى ضد عيل قليل الادب، وعلشان الاتحاد خايف من الخطيب اعطاه جواب الموقوف دوليا يلعب، مادي بلطجه، القصه مش مرتضى مش عاوزين حد قوي يرأس الزمالك عاوزين حسين لبيب، الخناقة مش بيني وبينهم الخناقه بين الژمالك وبينهم لما الزمالك جاب احسن 3 لعيبه محتاجهم والاهلي مجابش مهاجم قالك ندمره”.
واردف:”فرنا5 مليون جنيه كاش غير الشيكات، وحازم امام قال لا وطالع بيكذب، وقالوا نزل على جروب الواتس اب انه قرار مجلس ادارة بالاجماع لا، انا اتحمل ولا الجبال، لكن متحملش ان زملكاوي اصغر من حفيدي يشتمني ويقولي ربنا ياخدك”.
واشار:” نزلت بيان ان هذيع الفيديو باللي حصل في الاتحاد، لكن المسئولين قالوا لي اصبر لانه فضيحه، القضيه مبقتش مرتضى، القضيه الزمالك، ولما يشوفوا الفيديو وانا بتحايل عليهم وبقدم حلول وتقولوا حازم قال لا الدندرلي قال لا”..
