تعليق صادم وغريب!!.. ميدو: أبارك لمصر على رحيل عصام الحضري عن المنتخب الأولمبي!

وجه أحمد حسام ميدو التهنئة للجهاز الفني لمنتخب مصر الأولمبي بقيادة ميكالي، بعد رحيل عصام الحضري عن منصبه كمدرب لحراس مرمى المنتخب الأولمبي.

قال ميدو في تصريحاته عبر برنامج “الريمونتادا” على قناة “المحور”: “أبارك للجهاز الفني للمنتخب الأولمبي برحيل عصام الحضري، لأن عصام الحضري مش مركز في الشغلانة مع المنتخب الأولمبي، ممكن يكون معاك حد أقل إمكانيات وقلبه معاك، ومركز معاك بس، أحسن بكتير ما يبقى معاك حد مش مركز”.

اقرأ أيضًا | “كاف” يزف بشرى سارة للأندية المشاركة في دوري أبطال إفريقيا وكأس الكونفدرالية

وأضاف: “عصام الحضري كان بيدور على شغلانة تانية طول الفترة اللي فاتت لأنه كان مستقل شغلانة المنتخب الأولمبي، والحضري كان مُشتت، لذلك أبارك للجهاز الفني للمنتخب الأولمبي وأبارك لمصر”.

واختتم: “أحسن مليون مرة تجيب حد صغير وعنصر شاب ويكون مركز مليون في المية معاك، لكن اللي مش مركز معاك ده ممكن يعملك مشكلة كبيرة زي اللي حصل بين الحضري وميكالي”.