علق الإعلامي خالد الغندور على هزيمه فريق يد الزمالك أمام الأهلي في قمة دوري اليد والتي إقيمت اليوم الخميس،واستفز جماهير الفارس الأبيض بتقديم التهنئة للفريق الأحمر بفوزه باللقاء.
وقال خالد الغندور في تصريحات تليفزيونيه ببرنامج “زملكاوي” عبر قناة “الزمالك”:” فربق الاهلي فاز على الزمالك بفارق كبير شويه، ومبروك للاهلي وهاردلك للزمالك، كنت حزين لخسارة الزمالك لكن سعيد بالروح الرياضية بين الفريقين”.
واضاف: “جمهور الزمالك حزين وعاوز افهمهم حاجه، المباراة دي مع كل الاحترام والتقدير ده دوري في6 فرق بيلعبوا بياخدوا اول4 علشان يلعبوا دوري من دورين، وبتصعد بحساب النقاط، الماتشات دي مش حاسمه انك تاخد الدوري لسه بدري، الفوز ده معنوي وترتيبي وليس له علاقه مين بطل الدوري، ولسه في ماتش بين الزمالك والاهلي”
وشدد الغندور: “المرحله دي ترتيبيه، والزمالك مكنش كويس وياما كسبنا، كرة اليد اقوى فريق في مصر هو الزمالك، والاهلي بيصرف ملايين وجايب مدرب اسباني وبيشتغل علشان يطور نفسه”.
واردف:” الزمالك مسيطر على بطولات اليد في مصر وافريقيا والاهلي دايما بيسعى ومغير5 مدربين واخر سنتين”.
واكمل الغندور:” الزمالك زي ما هو بطل مصر وافريقيا منبع لخروج اللاعبين للاحتراف من اجل تطوير المنتخب لو مكنتش اللعيبه اللي خرجت للاحتراف كان فاز ع الاهلي فارق11″.
وزاد:” احنا سيبنا محمد سند ويحيى خالد ومحمد ممدوح هاشم ومحمد علي ويحيى الدرع وسيف الدرع كل دول لعيبه منتخب ومتألقين الزمالك سابهم للاحتراف، عكس الاهلي مفيش لعيبه للاحتراف”.
واختتم:” نتفهم هزيمة الزمالك واللعيبه مكنوش في كامل تركيزهم، والاهلي بيسعى يطور نفس وانه يفوز علي الزمالك وحقق ده النهارده والانتصار معنوي وليس له علاقه بالدوري”.
