بعد الخسارة من إنبي.. جمال عبد الحميد يهاجم مخرج المباراة ويؤكد ” انا وحش بس عاوز حقي”!!

هاجم جمال عبد الحميد، عضو مجلس إدارة نادي الرمالك، مخرج مباراة الفريق أمام انبي وذلك بسبب انحيازه ضد الفارس الابيض، و تأثير انتمائه الكروي للأهلي في طريقة اخراجه للقاء وطالب بالتحقيق معه.

وقال جمال عبد الحميد في تصريحات تليفزيونيه عبر قناة الزمالك:” اداء سيئ، ومفيش شماعات هنقولها، ومنزل لعيبه اساسيه بروفه لمباراة بلوزداد مفيش فريق لعب زون ديفنيس وكسبناهم، 5 ماسكين رفيق كابو؟ “.

واضاف:” كنا محتاجين زيادة عددية في الهجوم وعندك 5 بيحرسوا نص الملعب بالطريقه دي مش هتجيب هدف”.

وشدد عبد الحميد:” احنا وحشين ولكن عاوز حقي، مخرج المباراة كان لنا ضربة جزاء وجابها بكاميرا تليفون ومن زوايه بعيده جدا، اه احنا وحشين بس ده حقنا، المخرج ده هشام عبد الودود ومعروف انه اهلاوي والمفروض تكون محايد”.

واردف: “الانذار اللي اخده حسام عبد المجيد اتجاب من كل الزوايا ولعبة ضربة الجزاء جابها من الناحيه التانية بتاعت جول الزمالك”.

وأكمل:” الماتش وحش بالنسبه ليا بس عاوز حقي للسيده نائله رئيس التليفزيون عاوز حقي في الموضوع ده من المخرج، مش كل مره ناخد على دماغنا، وفي كرات بيجيبها من كل الزوايا ومع اعترافي اننا وحشين ومش بقول شماعات لكن عاوز حقي”.