لقن الإعلامي خالد الغندور مقدم برنامج زملكاوي على قناه الزمالك درساً لأمين الصندوق بالنادي الأهلي خالد مرتجي وذلك بعد تصريحاته الأخيره ضد الزمالك وجماهيره.
إقرأ أيضاً| “هو إحنا مستباحين للدرجادي؟” .. مدحت شلبي يفتح النار على إمام عاشور بسبب حفل زفافه !!
وكان مرتجي قد خرج بالأمس بتصريحات إذاعيه قال فيها أن الزمالك يدين بالشكر لصالح سليم رئيس النادي الأهلي الأسبق بعد إنسحابه من بطولات إفريقيا وهو ما سمح للزمالك بالتتويج ببطولاته الإفريقيه ، مشيراً أن جمهور الزمالك يغار من جمهور الأهلي على حد قوله.
وقال الغندور في تصريحات تلفزيونية عبر قناه الزمالك:”انا كنت وعدت اني هطلع ارد على المهندس خالد مرتجي ، اولا المستشار مرتضى منصور اللي بيثير التعصب وبيثير الفتنه زي ما بيقولوا مكنش موجود ولا كان في تصريحات ولا مكالمات ومختفي بقاله شهر” .
وواصل :”هو كان قال تصريحات وهنرد واحده واحده ، انت ايه الفكره انك تتدخل الزمالك في جمله مفيده ؟ خالد مرتجي امين صندوق الاهلي يتكلم عن الزمالك ليه اصلا ؟ وبيتقال اقلبوها قناه الاهلي من كتر ما بنتكلم عليها ياعم خليك في حالك بقا هو مش الغيران هو اللي بيجيب سيره الناس عمال على بطال” .
وتابع :”وبعدين فكره التحفيل مقبوله انت راجل السنه اللي فاتت خسران كل حاجه خسران الدوري وخسران كاس الرابطه وكاس مصر والسوبر امام طلائع الجيش فتمام انك تفرح في نادي الزمالك ولكن انت المفروض مسئول مش مشجع “.
وأكمل :”انا مش عاوز اقول عن العلاقه بين خالد مرتجي والدرندلي اللي كانوا صحاب وكان امين صندوق وبعدين خد مكانه وطيره” .
وشدد :”احنا لن نسمح ان حد يقلل من قيمه نادي الزمالك ، وبعدين الاخ الطيار طارق سليم اخو الكابتن صالح سليم كان مدير الكره وقت كاس السوبر الافريقي و شتم الحكم قدامنا و تم التعدي على الحكم واتحطت في التقرير وتم ايقاف طارق سليم وابراهيم حسن سنه فصالح سليم قالهم طب مش لاعب فالاتحاد الافريقي قالهم لو ملعبتوش هتتوقفوا ٣ سنين وفعلا تم الايقاف والنادي الاهلي قال كده كده مش بنستفيد حاجه والبطولة العربيه اهم ، وبعدين في هذه المده الزمالك خد بطوله واحده وهي سنه ٩٦” .
وأردف :”وبعدين الاهلي عاد بعدها سنه ٩٨ وخسر مخدش حاجه خرج من البن الاثيوبي من دور ال٣٢ ، وفي ٩٩ خرج وفي ٢٠٠١ كسب وانا في ٢٠٠٢ وهو مشارك كسبتها منه” .
وإستطرد :”المهندس خالد مرتجي مش كروي هو ملوش علاقه بالكوره هو دوره الصفقات ، والدليل انه مش حافظ ومش فاهم وكل كلامه غلط”.
وأتم :”وبعدين ده انت مشترك السنادي مجامله ده انت تالت الدوري السنه اللي فاتت، هو في حاجه اسمها ناخد بترتيب الدور الاول ؟ ما عشان نظامنا سئ لكن انت داخل مجامله ، وحان الوقت ان اداره الزمالك تتعامل باسلوب اداره الاهلي ونشغل البيانات وهنشتكي خالد مرتجي وهنشتكي قناه الاهلي، رئيس الزمالك اهو اتحبس جه الدور اهو ان الناحيه التانيه نشوف الإجراءات “.
