هاجم فاروق جعفر نجم نادي الزمالك السابق ومحلل قنوات أون تايم سبورتس الحالي أحمد عبد المقصود المدير الفني المؤقت لنادي الزمالك وذلك بعد الخساره أمام المصري في الدوري.
إقرأ أيضاً| هاني حتحوت يفجرها : هذا هو المدير الفني الجديد للزمالك والإعلان الرسمي أقرب من أي وقت مضى!!
وكان الزمالك قد خسر مباراته أمام المصري البورسعيدي بثلاثيه مقابل هدفين ، ليواصل الزمالك سلسله نتائجه الكارثيه هذا الموسم في كافه البطولات.
وقال جعفر في تصريحات تلفزيونية عبر قناه أون تايم سبورتس:”تاني مع احترامي لاحمد عبد المقصود هو محترم وكل حاجه لكن الموضوع كبير عليك ، انت مصمم تلاعب اللعيبه الجديده وانا شايف ان كلهم مش مفيدين مفيش الا ناصر منسي” .
وواصل :”عملت تفييرات كلها اضرت تاني بالفريق ، وبعدين تبص على الأجوال بتاعه المصري كلها في الـ٦ يارده يعني الكلام ده معناه ان معندكش دفاع” .
وتابع :”وبعدين استبعاد حسام عبد المجيد تقوم تلاعب معاه شبانه ، ما الاتنين شكل بعض وشبه بعض ، لازم يبقى فيه بروفايل تاني مختلف عنه في الاداء “.
وشدد :”وبعدين يعني ايه الدقيقه ٩٣ وانا خسران اقوم عامل تغييرات هيعملك ايه يعني بالعكس هيبقى نازل متوتر ، وبعدين انا خسران وعاوز اتعادل اغير باك وانزل مكانه باك تاني ؟ “.
وأكمل :”ويوسف اسامه نبيه نازل الدقيقه ٨٩ هيعملك ايه ونازل وشلبي في الملعب ما هو نفس مكانه ،وتغيير سيف جعفر ليه مش عشان هو ابني يعني ولكن كان هو احسن لاعب في الفريق ،شيكابالا بقاله فتره كبيره بعيد فتغيير غريب” .
وأتم :”الزمالك محتاج لعيبه تعمل اضافه وعندها روح نادي الزمالك ، لكن مش محتاج لعيبه تلعب على حساب النادي وانا مسئول عن كلامي ده” .
