بعد إستفزازه للجماهير .. قناه الزمالك تلقن إمام عاشور درساً من العيار الثقيل بسبب الأهلي والهارب كهربا!!
أكد الإعلامي طارق يحيى مقدم برنامج زملكاوي أن الزمالك هو من صنع إسم إمام عاشور وصنع نجوميته ، مشيراً أن الزمالك لن يقف على رحيل أي لاعب حتى لو إنضم للنادي الأهلي لأن الزمالك هو صانع النجوم.
إقرأ أيضاً| “لو جيت تبقى بتخلص على نفسك” .. مجدي عبد الغني يوجه رساله ناريه لمدرب الزمالك السابق بعد إشاعات تدريبه للفريق!!
وكان إمام عاشور قد صرح في وقت سابق عبر برنامج رامز نيفر اند أن كهربا صديقه وأنه على إستعداد للمساهمه في دفع غرامته لدى الزمالك ، كما أنه قام بنشر “ستوري” عبر إنستجرام لكهربا وكتب عليها ” أخويا” مما أثار غضب الجماهير .
وقال طارق يحيى في تصريحات تلفزيونية عبر قناه الزمالك:”هو ايه الزيطه اللي انتوا عاملينها على امام عاشور دي ؟ ايه امام عاشور يعني ؟ “.
وواصل :”الحق اصل هيروح الاهلي طب ما يروح الاهلي ياعم ايه المشكله هيطلع اجدع من رضا عبد العال يعني ؟ ما يروح الاهلي ولا يروح الاسماعيلي ما هو كده كده مش تبعنا “.
وتابع :”وبعدين ده واحد جالنا على الهواء وجالي انا شخصياً ويعيط ووالنبي يا كابتن عاوز احترف هنعمل ايه يعني هنقعده غصب عنه ؟ ما احنا اللي عملنا امام عاشور وهنعمل غيره هو الزمالك بيقف على حد ؟” .
وشدد :”اي حد بيجي الزمالك الزمالك هو اللي بيعمله وهو اللي بيكبره وهو اللي بيضيفله ، الزمالك بيعمله بني ادم زي ما عملنا كلنا بني ادمين” .
وأتم :”ما احنا خدنا بطولات بعد ابو جبل وبعد بن شرقي وبعد طارق حامد ، هنعمله ايه يعني عشان يقعد نعمله مزيكا حسب الله ؟ ما اللي عاوز يمشي يمشي واللي عاوز يقعد يقعد مش هنمسك في حد “.
