وجه مجدي عبد الغني رساله ناريه لنجم نادي الزمالك ومدربه السابق أحمد حسام ميدو بعدما تردد إسمه الفتره الماضيه لخلافه البرتغالي جيسوالدو فيريرا.
إقرأ أيضاً| “هو إحنا مستباحين للدرجادي؟” .. مدحت شلبي يفتح النار على إمام عاشور بسبب حفل زفافه !!
وكان الزمالك قد أعلن عن فسخ تعاقده مع البرتغالي جيسوالدو فيريرا بالتراضي ، وذلك بعد توديع الفريق لمنافسات دوري أبطال أفريقيا من دور المجموعات.
وقال عبد الغني في تصريحات عبر بث مباشر على حسابه الشخصي على موقع التواصل الإجتماعي فيسبوك:”انا شايف ان نادي الزمالك محتاج يجيب مدير فني من أبناء الزمالك يقود المرحله حالياً بما ان النادي قال انه موسم للنسيان وغيره يبقى نجيب ابن من ابناء النادي ويتعامل” .
وواصل :”انا معرفش أحمد حسام ميدو عاوز ايه ،احمد حسام ميدو لو راح الزمالك بالظروف اللي هو فيها دي يبقى بيخلص على نفسه ، لانه فشل في اخر تجربه مع الاسماعيلي والظروف دلوقت في الزمالك متساعدش” .
وأتم :”ميدو بيعمل حاجات كتير مع بعض وانا نفسي بقوله يا حبيبي ركز في حاجه واحده يا الاعلام يا التدريب يا تعمل اكاديميات لكن كله مع بعض كده مينفعش ، ركز في حاجه واحده ، حاجه كويسه انك تبقى اعلامي ، وبعدين انت تبقى مدير فني دي لوحدها كفايه ده اللعيبه بتروح تدرب وترجع والمدرب مبينمش انت عاوز تعمل كل ده مع بعض ازاي”.
