أكد أحمد عبد المقصود المدير الفني المؤقت لفريق الكره الأول أن الظروف الصعبه التي مر بها النادي الفتره الماضيه كانت سبباً مباشراً في تدهور مستوى اللاعبين ، مشيراً أن الصفقات الجديده ظلمت خلال الفتره الماضيه.
إقرأ أيضاً| “لو جيت تبقى بتخلص على نفسك” .. مجدي عبد الغني يوجه رساله ناريه لمدرب الزمالك السابق بعد إشاعات تدريبه للفريق!!
وقال عبد المقصود في تصريحات تلفزيونية عبر برنامج ملعب أون تايم:”الناس عارفه المشاكل الداخليه والخارجيه اللي فيها النادي وكله مرتبط بكله ، يعني عندنا حجز على اموال النادي وبعدها حبس المستشار مرتضى وكان في امور من قبل ، كل ده بيأثر” .
وواصل :”في مشاكل بنحاول نعالجها وانا مقدر شعور جمهور الزمالك الدنيا فعلا صعبه ، احنا بنحاول نسلم الدنيا كويسه للمدير الفني اللي جي النهارده او بكره بالكتير” .
وتابع :”على الرغم من ال٧ دقايق قصاد البنك الاهلي الا اننا عملنا مباراه كويسه ، بالاضافه ان عندنا ١٢ لعيب في المنتخبات ، وعلى الرغم من كده قولتلهم الزمالك مينفعش يخسر تلاته حتى لو بنلعب بالناشئين”.
وأكمل :”انا قولت للعيبه كده في اول تمرين ، وبعدين ادي بلحاج اللي كان بيتم انتقاده عمل ٢ اسيست اول ٣ دقايق ، وناصر منسي حتى لو كان عنده سوء توفيق اهو دلوقت ٣ اهداف” .
وشدد :”في لعيبه الفتره اللي فاتت اتحرقت شويه ، يعني لو في شويه قالوا ان بلحاج ومنسي صفقات مش كويسه ممكن النهاره يغيروا كلامهم ويقولوا لا كويسين” .
وأضاف :”فاضل ٣ شهور في الموسم ومع مدير فني جديد ممكن تظهر بشكل احسن ويثبتوا نفسهم ، اللاعبين محتاجين شغل نفسي قبل كل شئ”.
وإستطرد :”الظروف اللي اتحط فيها النادي الفتره الاخيره خلت الصوره للاعبين متطلعش كويسه للجمهور ، وبعدين احنا محصلناش على اي راحه احنا مخلصين الموسم في ٣١-٨ وبعدها ب٤ ايام لعبنا سوبر لوسيل وبعدها سوبر مصري” .
وأتم :”شيكابالا كان تعبان الفتره الاخيره ورجع قبل مباراه البنك الاهلي ولكن مكنش لسه جاهز فدخلناه في ماتش المريخ تدريجي والحمد لله لعب ٢٥ دقيقه جيدين النهارده”.
