أكد أحمد عبد المقصود المدير الفني المؤقت لنادي الزمالك أن لاعب نادي الزمالك سيف فاروق جعفر يستطيع تعويض رحيل إمام عاشور عن النادي ، مشيراً أنه يحتاج لتطوير بعض النواقص الفنيه لديه.
إقرأ أيضاً| “لو جيت تبقى بتخلص على نفسك” .. مجدي عبد الغني يوجه رساله ناريه لمدرب الزمالك السابق بعد إشاعات تدريبه للفريق!!
وكان الزمالك قد حقق فوزاً شرفياً على فريق نادي المريخ السوداني بأربعه أهداف مقابل ثلاثه ، وذلك في إطار المباراه التي جمعت بين الفريقين على ستاد القاهره الدولي.
وقال عبد المقصود في تصريحات تلفزيونية عبر برنامج ملعب أون تايم:”الفتره اللي فاتت كان في سوء توفيق ولكن كان لازم نكسب عشان نرجع الثقه للاداره واللاعبين والجمهور طبعاً”.
وواصل :”الناس عارفه المشاكل الداخليه والخارجيه اللي فيها النادي وكله مرتبط بكله ، يعني عندنا حجز على اموال النادي وبعدها حبس المستشار مرتضى وكان في امور من قبل ، كل ده بيأثر” .
وأضاف :”الظروف اللي اتحط فيها النادي الفتره الاخيره خلت الصوره للاعبين متطلعش كويسه للجمهور ، وبعدين احنا محصلناش على اي راحه احنا مخلصين الموسم في ٣١-٨ وبعدها ب٤ ايام لعبنا سوبر لوسيل وبعدها سوبر مصري” .
وشدد :”سيف جعفر هو البديل المثالي لامام عاشور لانه بيزيد بشكل كويس قدام ولكنه محتاج يشتغل على نفسه اكتر ويتطور بدنياً”.
وأتم :”سيف الجزيري وغيره من اللاعبين محدش فيهم بيقدم ١٠٠٪ من مستواه زي السنه اللي فاتت وده بسبب الظروف اللي قولناها فوق وكمان لما تخسر بطولتين او تلاته ورا بعض بتأثر اكتر” .
