وجه رضا هيكل نجم فريق الكره الطائره لنادي الزمالك رساله خاصه لنادي الزمالك وجماهيره ، مشيراً أنه وعد شيكابالا بالإحتفال بالكأس على طريقته الخاصه.
ونجح الزمالك في التتويج ببطوله كأس مصر للكره الطائره للموسم الثالث على التوالي ، ليجمع الفارس الأبيض بين ثنائيه الدوري والكأس للمره الثانيه توالياً.
وقال هيكل في تصريحات تلفزيونية عبر برنامج مساء أون تايم:”انا بشكر جمهور نادي الزمالك جدا ومهما عملنا مش هنقدر نوفيهم حقهم على دعمهم لينا طول الموسم”.
وواصل :”انا بشكر فريق الأهلي فريق كبير وعندن لعيبه محترمين جدا اتواجهنا كتير الموسم ده اكتر من ١٠ مباريات ولكن قدرنا الحمد لله نكسب اللقبين في النهايه”.
وتابع :”زي ما قولت مهما عملنا مش هنقدر نوفي الجمهور حقه اللي وقف معانا وورانا ودعمنا” .
وشدد :”ان شاء الله باذن الله هتشوف احتفال شيكا بالبطولتين ولكن مش انا هيبقى احمد يوسف لانه عمل مجهود كبير وساعدنا كتير” .
وأكد :”حرفياً اخر ٤ ايام مكناش بننام وكنا متعاهدين ان مفيش حاجه تعدي مننا وربنا عالم الصعوبات اللي مرينا بيها والظروف الكتير اللي موجوده” .
وأتم :”ماتشات الاهلي والزمالك دي نهائي لوحدها ، احنا في ٤ ايام لعبنا اكتر من ١٥ شوط وده شئ مجهد جداً”.
