“متلعبش الجيم ده تاني”.. رسالة نارية من سيف زاهر للاعب الزمالك بعد أزمته مع الجماهير – فيديو

حرص الإعلامي سيف زاهر على توجيه رسالة خاصة للاعبي الفريق الأول لكرة القدم في نادي الزمالك بعد تراجع مستوى الفريق الفترة الماضية.

وقال “زاهر” :”الزمالك على الجانب الإداري محدش عارف رايح على فين ومعنديش فيها معلومة أو أقدر أقول الدنيا رايحة على فين”.

وأشار :”جمهور الزمالك مقسوم فيه ناس تقولك الأمور صعبة، وناس تقول الفريق محتاج لاعيبة كتير قوى ومش هندوس على المجموعة الحالية لان معندهمش خلاص حاجة تاني”.

وأضاف “زاهر” خلال تقديمه حلقة جديدة من برنامج “ملعب أون” على قناة “اون تايم سبورت” :”فيه جزء كبير من الجمهور استسلم لدرجة اني سمعت تعليق من بعض الناس بتقول ألف سلامة على الونش بعد إصابته وإن شاء الله يرجع في وقت تاني مع لاعبين آخرين يقدر يؤدى معهم بشكل آخر وكأنهم بيقولوله دي رحمة من عند ربنا انك مش هتلعب مع المجموعة دي”.

ووجه “زاهر” رسالة لـ محمد أشرف روقا لاعب وسط نادي الزمالك قائلا :”انا ليا عتاب على روقا غير الهدف اللى جابة في نفسه على الإسماعيلي، أنا عتابي عليه لما اشتبك مع أحد الجمهور في مباراة بروكسي في كأس مصر”.

وتابع :”من ساعتها عرفت إن هو خار ج تركيزه وداخل في معركة مع الجمهور ومحدش بيدخل في خناقة مع الجمهور، نرفض التعدى على اللاعبين بالتأكيد لكن مينفعش يدخل خناقة مع الجمهور بقوله متلعبش الجيم ده تاني، لأن دائما الجمهور على حق”.

وشهدت مباراة الزمالك وبروكسي في دور الـ 32 من بطولة كأس مصر اشتباك “روقا” مع أحد مشجعي الفارس الأبيض بين شوطي اللقاء.

وأختتم “زاهر” برسالة خاصة للاعب نادي الزمالك قائلا :” بقول للاعبي الزمالك اللى شايف إنه مش هيقدر يكمل مش عيب، لكن يقول للمدير الفني علشان يعرف طريقة، ويدى فرصة لغيرة مع الفريق”.

شاهد: