كشف وليد العطار المدير التنفيذي لاتحاد الكره عن التفاصيل الكامله الخاصه ببطوله السوبر المصري بنظامها الجديد ، والذي من المقرر أن تنطلق في شهر نوفمبر المقبل .
وقال العطار في تصريحات تلفزيونية عبر برنامج ملعب أون تايم:”الاتفاق الاخير بخصوص السوبر المصري للابطال هيكون ٤ فرق ، بطل الدوري وبطل الكاس وبطل كاس الرابطه ووصيف الدوري”.
وواصل:”لو حصل تكرار في الابطال وكان بطل الدوري هو بطل الكاس هناخد وصيف الكاس” .
وتابع:”لو وصيف الدوري كان بطل الكاس هناخد برضو وصيف الكاس ، بالنسبه للمواعيد احنا لسه منتظرين تحديد كاس السوبر الافريقي عشان ننسق المواعيد ولكن غالبا هيكون في أول شهر ١١”.
وأكمل:”نظام البطوله ان كل فريقين هيلاعبوا بعض بقرعه والفايز يلاعب الفايز في النهائي على البطوله”.
وأضاف:”البطوله هيكون نظامها من ٥ أيام ل ٧ أيام ، وده امتداد للنجاحات مع مجلس ابو ظبي الرياضي ، الناس سعداء بينا وسعداء بوجودنا وتعاون مستمر مع الاتحاد المصري والشركه المتحده”.
وأتم:”لحد دلوقت دوري المحترفين موجود ومفيش اي كلام انه يتلغي حالياً”.
