رد ناري من بركات على إتهام أحمد عبد القادر لصفحات الأهلي “بالرشاوي” … ورساله من العيار الثقيل لـ اللاعب!!

علق محمد بركات، على هجوم أحمد عبد القادر لاعب الأهلي على بعض الصفحات على السوشيال ميديا والتي تنتقد مستواه الفني.

وقال بركات في تصريحاته عبر برنامج الريمونتادا على قناة المحور: “أي لاعب كرة قدم يلعب في ناد جماهيري خصوصا الأهلي أو الزمالك، الجمهور موجود باستمرار، والصفحات أصبحت حقيقة في حياتنا، سواء يحصلون على أموال أم لا، لكن لاعب الكرة يجب أن يفهم أن هؤلاء الناس موجودة في حياتنا خلاص مينفعش تحط دماغك مع الناس دي”.

وأكمل: “أنا بتكلم على أي لاعب بيلعب في الأندية الجماهيرية مش بتكلم على أحمد عبد القادر مخصوص، لازم تقفل ودنك، والانتقاد أوقات بيبقى صح وأوقات بيبقى غلط”.

وتابع: “الجمهور له حق عليك كلاعب، انت بتلعب في نادي جماهيري، وبتكلم عن الجمهور المحترم اللي بينتقد من أجل مصلحة الفريق دول موجودين وكتير”.

واتم: “طبعا في فئة تانية من الجمهور ومش بتواجه أحمد عبد القادر بس بتواجه الجميع حتى احنا”.