أكد الإعلامي أحمد حسام “ميدو”، أنه مستمر في تبني قضية “الفساد الرياضي” داخل المؤسسات والأندية المصرية منذ سنوات طويلة، مشدداً على أنه يتحدث دائماً بـ “منطلق العدالة والشفافية” لأن الخوض في ذمم الأشخاص المالية ليس بالأمر السهل ويراعي فيه الله دائماً قبل إطلاق أي تصريح.
وقال ميدو، خلال تصريحات تليفزيونية ببرنامج” أوضة اللبس”، عبر قناة” النهار”:” تابعتوا كلامي امبارح عن المخالفات داخل الزمالك ونتائج تحقيقات النيابه واسترداد اموال وردها لخزينة، انا الوحيد الي متبني قضية الفساد الرياضي منذ سنوات وبكلم بشكل فيه عداله لان الكلام في ذمم الناس مش سهل وكلامي محسوب وقبل ما اطلع اي كلام باكون واخد بالي وبراعي ربنا كويس لان الكلام في الذمم الماليه صعب”.
و اضاف:” اكبر دليل ان كلامي عن الفساد الرياضي داخل المؤسسات الرياضية صح ان عمر ماحد طلع رد علي ولا قولت ان الرجل ده اخد جنيه ورد عليا وقال ان باكدب، امبارح اكلمت ان في مخالفات ماليه النيابه بتحقق فيها واشرت لقصة فسخ العقود للعيبه الاجانب وكلف الزمالك ملايين الدولارات والدور على المتسبب وبتكلم بشفافية الكلام ده خلى ناس منمتش من امبارح واجتماعات الصبح الرجل ده هنعمل معه ايه وبيقوم الدنيا علينا لكن انا رجل طول عمري مبعرفش اسكت وده سبب لي ازمات مع ناس جامده جدا في اماكن اشتغلت فيها”.
وشدد ميدو:” الناس من كتر افلاسهم ومش لاقيين حاجه يقولها على ميدو راحوا مسربين ايصال ان في فلوس عليه للزمالك بقيمة 785 دولار بتاريخ 18 يناير 2025 اي من فتره وسددت للخزينة من 22 شهر، وخرج الايصال امبارح شايفين الكلام بيوجع ازاي المهم اوضح لكم”.
وواصل:” في احدى الرحلات الافريقيه اسألوا اللعيبه بيطلبوا أكل ويمضوا على اوضتي ودايما بادفع من غير ما اتكلم والاقي فواتير علي لحاجات ماخدتهاش وعمري ما براجع، في رحلة زامبيا وقت وجودي في الزمالك اللعيبه طلبوا اكل وحولوا الفلوس علي ومقالوش ولما اتقالي ان في مخالفه من 2015 بسبب الروم سيرفيس وسددتها تاني يوم وبعد حلقة امبارح طلعوا الايصال وادي ميدو اللي بيكلم عليه مخالفه انا عندي مخالفه روم سيرفيس وده اخرك معي”.
و أكمل ميدو:” طيب انا عندي عيوب لكن اخر حاجه تكون فيه ان اكون حرامي أوفاسد انا دافع للزمالك ومتنازل على اموال بمبلغ لايقل عن 20 مليون جنيه وبعمله بحب وده واجبي وده دوري دعم النادي، لما تكلم على فساد والناس من افلاسها يطلعوا وصل مسدد من 22 شهر يبقى تتأكدوا ان ميدو ماشي صح ومعنديش حاجه مدرايها ورجل عمري ما اخدت جنيه لا استحقه”.
و أشار:” كان يجي لي ظرف هديه من حد كنت ارفض ومبقبلش هدايا وبقعد مع بليونيرات راسي براسهم ولما حد يعزمني لازم اعزمه واليوم اللي حد في دوله خليجيه يعزمني بعزمه هنا في مصر
الايصال ده طلعوه وعرفت ان الكلام بيوجع والمخالفات زي مافي الزمالك موجوده في انديه تانيه”.
وأختتم:” حبيت اوضح لان جزء من عدة النصب لاي فاسد اللجان الاليكترونيه وصفحات على الفيس بوك وبيدفعوا لهم مرتبات ومواقع شغالين عليها ولهم ناسهم ودايما وهو. بيكلمك خايف تليفونه حد ركبه وعايشبن حياتهم بيتلفتوا لانه فاسد وواخد على الحاجات دي”.
