كشف أحمد رمضان هتلر مدرب يد الزمالك، حقيقة تحريض حسين لبيب رئيس اللجنة السابقة لإدارة الفارس الابيض له للهجوم على مجلس إدارة النادي.
وقال أحمد رمضان في تصريحات تليفزيونيه ببرنامج “الماتش” عبر قناة “صدى البلد”:” سمعت ان اتقال حسين لبيب قالي اتكلم وهاجم الادارة، كابتن حسين اكبر من انه يقولي كده لانه حاجه كبيره في الهاند بول، وعارف احمد هتلر محدش يقدر يقوله اعمل كده”.
وتابع: “ولا ڤكرت ان اللي هقوله هيكون سبب في رحيل الادارة، انا اتكلمت لان كيرڤ الزمالك بينزل لتحت، وبتخاطب ناس مش فاهمين انت عاوز ايه”.
وشدد رمضان:” بعد مرتضى منصور بتكلم احمد دعبس بس برده المسئوليه كبيره عليه هو واحمد مرتضى، انما مرتضى منصور كاريزما بيعطيك قرارات اما الادارة لا سوري مشوفتش منهم تنفيذ”.
وأردف: “مش عاوز اقول عزل مرتضى اضر او افاد الزمالك، احنا كشعب مبنحبش حد يطول كتير بنمِل، لان مفيش جديد بيحصل عاوزين نشوف الجديد”.
وأختتم:” الزمالك دلوقتي ناجح؟، لا طبعا، الهاند بول خسر 5 بطولات من7 واحمد مرتضى كلم كابتن هشام نصر قاله نعمل ايه سمع منه وبلح ولافي اي حاجه بتحصل”.
