أكد حلمي طولان، المدير الفني السابق لنادي سيراميكا كليوباترا، أنه لايمانع في تدريب الأهلي، وشدد إنه مدرب محترف والإنتماء ليس له دور في عمله.
وقال حلمي طولان في تصريحات متلفزة عبر قناة “mbc مصر” انا رجل محترف واي مدرب فاهم وواعي يحب يدرب الاهلي، نادي مستقر وبيلبي طلبات المدرب ومستقر ماليا وإداريا وأي مدرب يتمني يشتغل في الجو ده”.
وأضاف:” انا زملكاوي ولكني محترف واوافق على تدريب الأهلي، واهو امام عاشور بيلعب في الاهلي، ونحن في عصر الاحتراف”.
وردا على سؤال جمهور الزمالك يغضب من كلامك عن الاهلي؟ أجاب طولان: ” ليه يزعل؟، انا صادق وشايف مؤسسه محترمه وبتوفر كل شئ، هل من الطبيعي اقول عكس ده، ضروري اتكلم على الامور الجيده واوضح السلبيات، ولا اجامل الاهلي، والاهلي يصنع المدرب وبيجي ناس منعرفهاش وبيبقوا نجوم”.
واردف:” الاستقرار المتوفر في الاهلي مبيكونش موجود بالزمالك، لان الاسلوب الاداري مختلف، والقدارت الماليه هنا غير هنا، والامور التي تساعد على النجاح متوفره في الاهلي عكس الزمالك”.
وشدد طولان:” هل الزمالك القدارت الماليه متوفره للاعبين؟ هل العمل المؤسسي موجود؟، هل انا كزمالك نادي جاذب للنجوم في مصر اوطارد؟، هل انا بتكلم غلط؟ “.
وأشار:” الزمالك مبيحافظش على نجومه، وطارد للاعبين وعاوزين يمشوا علشان مفيش استقرار مالي وفني واداري”.
واكمل طولان:” هبقي اسعد واحد في الدنيا ان اشوف الزمالك بيدار بشكل مؤسسي، وفوق الجميع، ويبتعد عن المصالح الخاصه ويكون الزمالك هو الهدف مش اقعد على الكرسي واستفيد وبس”.
وأستطرد: “محدش ببفكر في الزمالك كل واحد ببفكر في تفسه، انا فكرت في الزمالك واشتغلت بدون مقابل وحصلت على كأس مصر وعملت مع اوتوفيستر رجل تاني وحققنا كل البطولات وكان لازم امشي علشان حققت نجاحات”.
وزاد طولان:” مشيت من الزمالك لان قلت ان الفرقه اللي عملها ممدوح عباس، وبعده جاء كمال درويش وكنت عاوز اعمل معسكر علشان الكأس ومكنش في فلوس، ومفيش مخلوق فكر يطلع من جيبه علشان اعمل المعسكر، وكلمت ممدوح عباس اعطاني الفلوس، وبعد حصد بطولة الكأس قلت شركاء النجاح هو ممدوح عباس، ومشيت لان النادي بيدار من بره مش من الداخل”.
وأختتم:” جمهور الزمالك الله يكون في عونه وبرفع لها القبعه على مايفعله، وبتزيد اعداد الجماهير رغم اللي بيحصل ومكنتش مبسوط باللي بيحصل في الزمالك”.
