حلمي طولان يعلن دعمه لهذا المرشح لرئاسة الزمالك..ويفجر مفاجأة بشأن عضويته

أكد حلمي طولان مدرب سيراميكا السابق، إنه يدعم فاروق جعفر في إنتخابات الزمالك المقبله، وشدد إنه ليس عضوا بالنادي.

وقال طولان في تصريحات تليفزيونيه ببرنامج “اللعيب” عبر قناة”mbc مصر”: “جمهور الزمالك الله يكون في عونه، وبرفع لها القبعه على مايفعله مع النادي، وأعدادها بتزيد رغم اللي بيحصل ومكنتش مبسوط باللي بيحصل في الزمالك”.

وأضاف:” اساند فاروق جعفر في إنتخابات الزمالك، هو اخويا وزميلي، ولكن لست عضو في النادي، وليس لي دور، وبقوله متزعلش لعدم ظهوري في النادي”.

وشدد طولان: “من مده كبيره مدخلتش النادي وفي2018 دخلت اعمل عضويه ودفعت المقدمات وكنت منتظر اكمل الاجراءات وطلع رئيس النادي قال مفيش معاه فلوس علشان الاشتراك طيب ماتدفع من اللي لي عندك لما يبقى في مجلس ادارة جديد هعمل عضويه”.