أكد نبيل عماد دونجا لاعب الفريق الأول لكرة القدم بالزمالك، إنه مفتقد عبد الله السعيد نجم بيراميدز ويتمنى وجوده معه في الفارس الأبيض خاصة في ظل ترحيب السعيد بذلك من قبل.
وقال دونجا في مداخله هاتفيه ببرنامج “اللعيب” عبر قناة “mbc مصر”:” عمري ماكتبت حاجه شخصيه في الاكونت ولانزلت حاجه وجهتها لحد، قصة رقم 8 اللي لبسته مش علشان خاطر امام عاشور، لبسته علشان رقم طارق حامد “.
واضاف:” انا اقدم من امام عاشور ومش مهتم بالقصه دي وهو اخد طريقه وفي دنيته، لكن انا شيرت حاجه لواحد من جمهور الزمالك كاتب افضل رقم8 ومنزل صورتي”.
وتابع دونجا:” كلنا كنا وحشين الموسم الماضي هل اتكلمت؟ لا انا لا اوجه حاجه لحد ولا اتكلمت ولامهتم بالموضوع، يعني ايه عملت شعري علشان امام عاشور عمله، لا انتم بتهزروا اكيد انكم بتكلموا كده، في لعيبه بالاهلي حبايبي وبقعد معهم”.
وأشار:” فتوح زملكاوي وعاوز يكمل وشايف انه هيكمل وبيحب الزمالك وجمهوره، وبيقدر الجمهور وحتي زيزو كان ممكن يمشي ولكنه تمسك بالفريق، والجمهور بيقدم تحيه كبيره لزيزو وفتوح علشان عارفين انهم ضحوا ومستمرين في الزمالك “.
وواصل دونجا:” فتوح وزيزو اخواتي واكتر ومليون٪ فتوح مكمل في الزمالك، وشايف ده منه في الملعب وبره الملعب وهو وزيزو مكملين في الزمالك، والامور الشخصيه دي بينه وبين الادارة، وبوعد الجمهور اننا نكون غير وبدون مشاكل ونعمل حاجه لينا ولهم وبشكرهم علي دعمهم وعاوزهم في كل ماتش”.
وأختتم:” مفتقد عبد الله السعيد وان شاء الله اتمني يتواجد في الزمالك، وكان مرحب بالانضمام للزمالك من قبل، ولو في نصيب هيكون اضافه، محمود علاء اخونا واعتذر لنا واي حد بيغلط طبيعي وطالما في لائحه بتطب، ق واي لاعب بيلغط في اي مكان”.
