كشف نبيل عماد “دونجا” لاعب الزمالك كواليس واسباب إخفاق الفريق الموسم الماضي وسر تراجع مستواه.
وقال دونجا في مداخله هاتفية ببرنامج “اللعيب” عبر قناة “mbc مصر”:” حتى لو وصلت لــ100٪من مستوايا هكون غير راضي، ومازالت لم اصل لمستوايا الحقيقي،وليست الإصابة فقط السبب في ظهوري بشكل غير مرضي ولكن كان في ظروف الموسم الماضي لم تساعدنا في اظهار مستوانا ونتمنى هذا العام نقدم الافضل”.
واردف:” الزمالك فريق قوي جدا، وهنقدر نشتغل بشكل افضل الفتره القادمة، هذا ليس وضع لاعبي الزمالك، ولدينا لاعبين مميزين وفريق كبير، والكرة ليست داخل الملعب فقط “.
وشدد دونجا:” في ظروف محيطه بنا تمنعنا من أظهار افضل ما لدينا وهذا دفعنا لعدم التركيز وماخدناش مستحقات منذ 10 شهور احنا جايين الزمالك مش علشان الفلوس لا احنا جايين علشان بنحب الزمالك”.
وأشار:” هات لي اي نادي في مصر لاعبيته قعدت10 شهور ماخدتش فلوس ولوموظف او اي شخص ماخدش مستحقاته. مستواه وتركيزه هيبقى عامل ازاي؟ “.
وأختتم دونجا:” جمهورنا اكثر ناس مظلومه في المنظومه وطبيعي الزمالك ياخد بطوله، جمهور الزمالك الحقيقي اللي كان بيشجعنا في ماتش ارتا سولار وهم اللي كانوا بيلعبوا مش أحنا، وبقولهم خليكم في ضهرنا الزمالك كبير بكم هنقدم افضل بوجودكم”.
