وجه نبيل عماد دونجا رسالة هامه لجمهور الزمالك بعد المسانده الكبيرة والدعم.خلال الفترة الأخيره وخاصة لقاء ارتا سولار الجيبوتي في الكونفدرالية.
وقال دونجا في مداخله هاتفيه ببرنامج “اللعيب” عبر قناة “mbc مصر”:” جمهورنا اكثر ناس مظلومه في المنظومه وطبيعي الزمالك ياخد بطوله، جمهور الزمالك الحقيقي اللي كان بيشجعنا في ماتش ارتا سولار وهم اللي كانوا بيلعبوا مش أحنا، وبقولهم خليكم في ضهرنا الزمالك كبير بكم هنقدم افضل بوجودكم”.
وواصل: “عمري مانزلت صورة شخصيه في الاكونت ولانزلت حاجه وجهتها لحد، قصة رقم 8 اللي لبسته مش علشان خاطر امام عاشور، لبسته علشان رقم طارق حامد “.
واضاف دونجا :” انا اقدم من امام عاشور ومش مهتم بالقصه دي وهو اخد طريقه وفي دنيته، لكن انا شيرت حاجه لواحد من جمهور الزمالك كاتب افضل رقم8 ومنزل صورتي”.
وتابع: ” كلنا كنا وحشين الموسم الماضي هل اتكلمت؟ لا انا لا اوجه حاجه لحد ولا اتكلمت ولامهتم بالموضوع، يعني ايه عملت شعري علشان امام عاشور عمله، لا انتم بتهزروا اكيد انكم بتكلموا كده، في لعيبه بالاهلي حبايبي وبقعد معهم”.
وأشار:” فتوح زملكاوي وعاوز يكمل وشايف انه هيكمل وبيحب الزمالك وجمهوره، وبيقدر الجمهور وحتي زيزو كان ممكن يمشي ولكنه تمسك بالفريق، والجمهور بيقدم تحيه كبيره لزيزو وفتوح علشان عارفين انهم ضحوا ومستمرين في الزمالك “.
وأكد دونجا:” فتوح وزيزو اخواتي واكتر ومليون٪ فتوح مكمل في الزمالك، وشايف ده منه في الملعب وبره الملعب وهو وزيزو مكملين في الزمالك، والامور الشخصيه دي بينه وبين الادارة، وبوعد الجمهور اننا نكون غير وبدون مشاكل ونعمل حاجه لينا ولهم وبشكرهم علي دعمهم وعاوزهم في كل ماتش”.
وأختتم:” مفتقد عبد الله السعيد وان شاء الله اتمني يتواجد في الزمالك، وكان مرحب بالانضمام للزمالك، ولو في نصيب هيكون اضافه، محمود علاء اخونا واعتذر لنا واي حد بيغلط طبيعي وطالما في لايحه بتطبق واي لاعب بيلغط في اي مكان”.
