رد يوسف أسامة نبيه مهاجم بيراميدز الحالي والزمالك السابق ، علي سؤال ” هل وحشك نادي الزمالك ؟ ” ليرد أنه ليس لديه إجابة صريحة علي هذا السؤال.
حيث قال يوسف أسامة نبيه في تصريحات لبرنامج CAN2023 المذاع عبر شاشة قناة أون تايم سبورتس الفضائية تقديم الإعلامي سيف زاهر : وحشني الزمالك ؟ معنديش رد صريح، انا موجود في نادي بيراميدز وبحترمه نادي كبير ومنظومة كبيرة فمفيش إجابة صريحة علي السؤال ده.
وزاد : السوشيال بقت تحكم علي الشخص من الظاهر من غير ما تعرف التفاصيل.
وأكد : مش حاسس ان والدي بيدفع تمن انتقالى الي بيراميدز والرحيل عن الزمالك ، هو ممكن والدي فكر في مستقبل ابنه ، كابتن أسامة نبيه درب الزمالك وتنازل عن فلوس وما اتكلمش ، لكن اللي اتصدر للناس أن ابنه ساب الزمالك
وأتم : اصعب حاجه مريت بيها في الزمالك ، أن والدي يبقي مدربي ، هو فادني كتير ، لولاه مكنتش كسرت الدنيا في الزمالك ، كان لازم اعمل مجهود مضاعف علشان ميقولوش بيلعب علشان والده.
كان يوسف أسامة نبيه قد رحل عن الزمالك في مطلع الموسم بعد نهاية عقده ، لينتقل اللاعب إلي بيراميدز.
شاهد الفيديو
