تحدث جوزيه جوميز المدير الفني للفريق الأول لكرة القدم في نادي الزمالك عن سر تأخر الفوز أمام الداخلية في الدوري، مشيرًا إلي أن الداخلية استطاع غلق المساحات على لاعبي الفارس الأبيض.
وقال “جوميز”:” كنا نواجه خصم جيد ومكنش في مساحات في المباراة والداخلية كانت بتدافع كويس جدا، والفريق كان بيدافع ويقف كويس والحمدلله أننا كسبنا وجبنا هدف المكسب”.
وأضاف “جوميز” في المؤتمر الصحفي للمباراة :” أنا لسه واصل وبتعرف على اللعيبه وافضل طريقه اتعرف عليهم هو أني اشوفهم في المباريات”.
وتابع :” كنت أتمنى نحسم المباراة من بدري أو نسجل من الشوط الأول علشان نقدر نشوف ناس تانيه”.
وعن عدم مشاركة ياسر حمد مدافع الفريق الجديد؟.. أوضح “جوميز” :”ياسر شارك أمام أبو سليم الليبي وطبيعي لما يكون عندنا أكثر من ثلاثين لعيب لازم نلعب 11 لأن الحكم مش هيرضى لأكثر من كده”.
وأختتم ” جوميز” :” عندنا يوم الاحد مباراة في الكونفدرالية وهنجرب ناس تانيه علشان نشوف كل اللعيبه والحلول المستقبلية “.
