“مستشهد بازمة الأهلي”.. إسلام الشاطر يتحدى حسام حسن ويكشف أسرار انفجار “أوضة اللبس”

شن إسلام الشاطر هجوماً حاداً على طريقة إدارة حسام حسن لمنتخب مصر، مشبهاً الأزمة بما يحدث في “أوضة لبس” النادي الأهلي وتأثيرها الكارثي على النتائج.

وقال الشاطر، خلال تصريحات تليفزيونية ببرنامج” اللعيب”، عبر قناة “mbc مصر”:” ايه اللي مبوظ الاهلي سنتين؟ بيقولك اوضه اللبس بالتالي اوضة اللبس واللعيبه لها دور، لعيبة المنتخب كان عندها مشاكل كتيرة مع كابتن حسام حسن ومينفعش حد يقلل منه “.

وتابع:”اللي مشى كابتن حسام هو معظم اللعيبة جوه المنتخب رغم اللي إنت شايفه ده، ولو عاد مرة أخرى لمنتخب مصر يجب إن هو يتعلم من أخطاءه؛ أولاً إن هو يجيب حد يتكلم بالنيابة عنه، حد يتكلم بالنيابة عن كابتن حسام، لأنه في النهاية كابتن حسام حسن محتاج إن هو يعني يقلل من كلامه شوية”.

وشدد الشاطر:” كفاية يا أخي التسريب اللي احنا سمعناه في الآخر! هو ما فيش حد لعب كورة غير كابتن حسام وكابتن إبراهيم؟ وما فيش حد عمل إنجازات لمصر غير كابتن حسام وكابتن إبراهيم؟ .. لا، لكن في ناس كتيرة جداً في مصر عملت حاجات كتيرة جداً جداً لبلدها

وأختتم: “فبالتالي إذا كنت مدرب فيجب عليك إن إنت تتقبل الانتقاد، يجب عليك إن إنت تتقبل أي حد.. على فكرة كلنا بنحب كابتن حسام وهو عارف كده كويس جداً، ولكن نظرية المؤامرة مش على طول موجودة، مش هنفضل عايشين فيها طول عمرنا، إنت مدرب جامد جداً ولا تحتاج إلى أي حاجة”.