“بعد واقعتي الشورت وإشارة شلبي” تعليق ناري من حسن مصطفى.. وهجوم خاص على عبد المنعم!! فيديو

علق حسن مصطفى لاعب الزمالك والأهلي السابق، على تصرف ثنائي الأبيض والأحمر مصطفى شلبي ومحمد عبد المنعم، بعد تسجيلهما أهداف في شباك دريمز الغاني ومازيمبي الكونغولي.

وقال حسن مصطفى في تصريحات عبر برنامج “رقم 10” على القناة الأولى: “محمد عبد المنعم حتى لو وضح من هنا لبكرة فعلته، فما فعله سيء، ليه تعمل الحركة دي، لو الناس كلها تقول عليك مغرور أسكت وإلعب بشكل جيد ولو قلت عليك إنك مش أحسن مدافع بأدائك يبقى أنا إللي مش كويس”.

وتابع: “نفس الكلام بالنسبة لمصطفى شلبي إلعب جيدًا وانضم للمنتخب، هدعمك، مفيش حاجة بينا وبينكم، الذي يلعب جيدًا سندعمه، والذي يكون سيء سننتقده”.

وأضاف: “مش لازم كل واحد يبص للترند عشان يعمل الجدل والجماهير تقول له برافو عليك أو يعمل شو عشان الناس تتكلم عليه”.

واختتم: “الجيل ده مركز مع السوشيال ميديا أكثر من الملعب، احنا بطلنا كرة وسنظل نتحدث فيها، ومفيش بنا وبين أي لاعب أي شيء”.