علق سيد عبد الحفيظ، مدير الكرة السابق بالأهلي، على مقارنته بخالد بيبو الذي يشغل نفس المنصب حاليا بالنادي الأحمر.
وقال عبد الحفيظ في تصريحات تليفزيونية ببرنامح “اللعيب”، عبر قناة”mbc مصر”:” المقارنه بين موجود ومش موجود ظالمه، انا في بدايتي مكنش عندي خبرات كابتن ثابت البطل، و كابتن خالد بيبو ياخد فرصته كامله وبعدين تقارن”.
واضاف:” اول 7 مباريات مع الاهلي كمسئول كسبت ماتش واحد مقارنة فلان بفلان مش حلوه، انا واحد من المنظومه ومش في فكري الحته دي، في حد دائما يقول انا بارصد الحاله وبيستدعي فلان بفلان وبتدخلني في مقارنه ظالمه ليا”.
وشدد عبد الحفيظ: “بلاش اتحط في وضع مش صح، انا الموضوع ده تحديدا يشرفني وجودي في الأهلي لكن انا مش عاوز اكون في الاهلي دلوقتي، في اعلامي دايما بيستدعي اسمي وده غلط”.
واردف:” جوايا يقين الدنيا عباره عن مراحل مرحله بدايه ومتوسطه ونهايه، وعمرها ماهتوصلي الا بعد ما عدت على ناس، انا متأكد ان كنت هامشي ومش في دماغي ارجع، وهافضل اقول الطريقه معجبتنيش وانا ماشي، ومرتبط جدا بالاهلي وعندي مبدأ ربنا يرزقني ويوفقني، واتمنى التوفيق للغير ومفيش جوايا غل وبالتوفيق ياخالد”.
وأشار عبد الحفيظ: “عندنا من الذكاء والتحليل اول لما تسمع سيد ممكن تحس باللي جواه، لاعب الكره ممكن معندوش ثقافه لكن عنده ذكاء فطري، اي حد بيقارن بينا هو قاصد الاهلي، في اعلاميين كثيره، وانا مش عاوز ادخل في مشاكل مع حد، وعملت اللي عليا في الاهلي وعندي شغلي الخاص اللي اتمنى اتوفق فيه”.
واتم” دائما واحد إعلامي يطلع يقول برصد واقع المفروض اصدقك؟، كان في شخصيات من5 او6 سنين بيطلعوا يشتموا ليه مرصدتش، لما الحكماء يقول حكمه بيكون لها هدف، ولكن تقول اللي خلقه مخلقش غيره ده تقليل”.
