وجه الإعلامي هاني حتحوت، رسالة لحسين لبيب رئيس نادي الزمالك، بسبب الأزمة الاخيره بين أحمد سليمان عضو الفارس الأبيض، وأحمد شوبير الإعلامي وحارس مرمى الأهلي السابق.
وقال حتحوت في تصريحات تليفزيونية ببرنامج “الماتش” عبر قناة “صدى البلد”:” في فوضى عارمة بالكرة المصريه والرياضه في الحاجات الجماهيريه، وهذا بسبب فكره مفيش سيستم لما تترك الامور للاهواء وكل واحد يتحكم في اللي بيعمله ومفيش ضابط، اللي بيحصل في امثله كثيره”.
وتابع: “منها مشهد مجلس ادارة الزمالك وكلامه عن الاعلام ورد الاعلام، ووصل الامر لرد من اعضاء محلس الادارة على الجماهير بصورة عنيفه”.
وأردف حتحوت:” احمد سليمان بيخرج في الاعلام ولما حد يعلق ويكلم بيزعل، وهاجم المنظونه الاعلاميه من خلال رئيسها اسامه الشيخ مرورا برده على أحمد شوبير، والرد على مشجع بشكل عنيف”.
واضاف: “احد المشجعين قال ممدوح عباس يتكفل بمستحقات اللاعبين فرد مشجع اهلاوي قال ممدوح عباس رئيس النادي الفعلي، فدخل هاني شكري خبطه خبطه قويه مش منطقيه ان يرد على مشجع بالشكل ده”.
وأشار حتحوت:” مرورا بالاستاذ عمرو ادهم اللي بيهاجم كل الاعلاميين وشايفهم غير محايدين ومضللين”.
وواصل: “مجلس ادارة الزمالك ماله؟ مالكم؟، لو متوترين من حاجه لان في ضغط شديد على الزمالك لايبرر تصدير ازمات اخرى مع الاعلام والجمهور، وفكرة ان الجمهور يقولكم كلنا وراك يا استاذ عمرو وياكابتن احمد ده مش مكسب ده غلط
انت بتصدر لنفسك ازمات”.
وزاد حتحوت:” الازمات بتلاحقك باللي انت بتعمله اقفل على نفسك، فين كابتن حسين لبيب من المشهد ده؟، التوتر اللي حاصل في وقت المفروض تحتفل بتأهلك لنصف نهائي الكونفدرالية وتحسن الوضع في الدوري نوعا ما”.
وأختتم: “اقفل وركز مع نفسك لان الدوشه بتعملك مشاكل، لانك في حاجه للتركيز لتحسبن وضعية الزمالك اللي بيتحسن لكن يحتاح الكثير”.
شاهد:
